അപേക്ഷകൾ ക്ഷണിക്കുന്നു

കുമ്പനാട് : ഐപിസിയുടെ കേരളാ സ്റ്റേറ്റിനു കീഴിൽ അംഗീകൃത സഭകളിൽ ദീർഘകാലം ശുശ്രൂഷയിലായിരുന്ന ശേഷം ഇപ്പോൾ വിശ്രമത്തിലായിരിക്കുന്ന ശുശ്രൂഷകന്മാർക്ക് ഐപിസി കുവൈറ്റ് സഭയും സോഷ്യൽ വെൽഫെയർ ബോർഡും ചേർന്ന് നടപ്പിലാക്കുന്ന പ്രതിമാസ സാമ്പത്തിക സഹായത്തിനായി അപേക്ഷകൾ ക്ഷണിക്കുന്നു. 

അപേക്ഷകർ ഐപിസി കേരളാ സ്റ്റേറ്റിനു കീഴിൽ അംഗീകാരമുള്ള ഏതെങ്കിലും സഭകളിൽ അംഗത്വമുള്ളവരും 70 വയസിനു മുകളിലുള്ളവരും ആയിരിക്കണം. സോഷ്യൽ വെൽഫെയർ ബോർഡ് പെൻഷൻ പദ്ധതിയിലേക്ക് നേരത്തെ അപേക്ഷിച്ചവർ വീണ്ടും അപേക്ഷിക്കേണ്ടതില്ല. 

വെള്ള പേപ്പറിൽ തയ്യാറാക്കിയ അപേക്ഷയോടൊപ്പം സെന്റർ ശുശ്രൂഷകൻ / കേരളാ സ്റ്റേറ്റ് കൗൺസിൽ അംഗം ഇവരിൽ ഒരാളുടെ ശുപാർശ കത്തോടുകൂടി മാർച്ച് 20 നുള്ളിൽ താഴെ പറയുന്ന ഏതെങ്കിലും ഒരു വാട്ട്സാപ്പ് നമ്പരിൽ അയക്കേണ്ടതാണെന്നു ഐപിസി കുവൈറ്റ് ശുശ്രൂഷകൻ പാസ്റ്റർ ബെൻസൺ തോമസ്, സെക്രട്ടറി ജോസ് കെ. വർഗീസ് എന്നിവർ അറിയിച്ചു.

കുവൈറ്റിലെ പ്രമുഖ ഐപിസി സഭകളിലൊന്നാണ് ഐപിസി കുവൈറ്റ്. ദീർഘ വർഷങ്ങളായി സുവിശേഷ രംഗത്തും ജീവകാരുണ്യ പ്രവർത്തനങ്ങളിലും സജീവമാണ്. വിവാഹ സഹായം, ഭവന നിർമ്മാണ സഹായം, വിധവ സഹായം, വിദ്യാഭ്യാസ സഹായം തുടങ്ങിയ പ്രവർത്തനങ്ങളിൽ സഭയും പുത്രിക സംഘടനകളും മുൻപന്തിയിലാണ്. 

അപേക്ഷകൾ അയക്കേണ്ട വാട്ട്സാപ്പ് നമ്പർ : സജി മത്തായി കാതേട്ട് : 94473 72726, ജോസ് ജോൺ കായംകുളം: -9447486110, ബേസിൽ അറക്കപ്പടി: -98474 12435, ഡേവിഡ് സാം : +974 7728 2832.

സോഷ്യൽ വെൽഫെയർ ബോർഡ് നിലവിൽ അർഹരായ 32 വിധവമാർക്ക് പ്രതിമാസ ധനസഹായം നല്കി വരുന്നു. കൂടാതെ വരുമാന വർദ്ധന പദ്ധതികൾ, ആട് വിതരണ പദ്ധതി (സ്മൈൽ പ്രോജക്ട് ) നടന്നു വരുന്നു. ശുശ്രൂഷകന്മാർക്കുള്ള ഇൻഷുറൻസ് പദ്ധതിയും പൂർത്തിയാക്കിയതായി ഭാരവാഹികൾ അറിയിച്ചു.

Advertisement