മലബാറിൽ ക്ഷേമപ്രവർത്തനത്തിനു പിന്തുണയുമായി പാസ്റ്റർ ജോസഫ് വില്യംസ്
കുമ്പനാട്: ഐപിസി കേരള സ്റ്റേറ്റ് സോഷ്യൽ വെൽഫെയർ ബോർഡ് ആരംഭിച്ച 'വൺ റുപ്പി ചലഞ്ച്‌' പദ്ധതി മലബാറിൽ നടപ്പിലാക്കാൻ ആവശ്യമായ സാമ്പത്തിക സഹായം പാസ്റ്റർ ജോസഫ് വില്യംസ് നൽകി. ഇദ്ദേഹം ഐപിസി ഈസ്റ്റേൺ റീജിയൻ പ്രസിഡന്റും ജനറൽ കൗൺസിൽ അംഗവുമാണ്. പ്രസ്തുത പദ്ധതിയിലേക്കായി മലബാറിലെ 625 ഓളം വരുന്ന ഐപിസി സഭകൾക്ക് ആവശ്യമായ ബോക്സ് ആണ് അദ്ദേഹം സ്പോൺസർ ചെയ്തത്. ശുശ്രൂഷകന്മാരുടെ മക്കളുടെ ഉപരിപഠന സഹായ പദ്ധതി, ഭവനനിർമ്മാണ പദ്ധതി, വിവാഹ സഹായപദ്ധതി, വിധവ സഹായ പദ്ധതി തുടങ്ങിയ ക്ഷേമ പ്രവർത്തനങ്ങളാണ് പദ്ധതിയിലൂടെ ബോർഡ് ലക്ഷ്യമിടുന്നത്. സോഷ്യൽ വെൽഫെയർ ബോർഡ് പ്രവർത്തനങ്ങളുടെ സംസ്ഥാനതല ഉത്‌ഘാടനം പാസ്റ്റർ കെ.സി. തോമസും, ബോക്സ് വിതരണ ഉത്‌ഘാടനം പാസ്റ്റർ ഡാനിയേൽ കൊന്നനിൽക്കുന്നതിലും മാർച്ച് 4ന് തിരുവനന്തപുരത്ത് നിർവഹിച്ചിരുന്നു.
ഐപിസി കേരള സ്റ്റേറ്റ് ഭരണ സമിതിയുടെ പ്രധാന പദ്ധതികളിലൊന്നാണ് 'വൺ റുപ്പി ചലഞ്ച്‌' പ്രോജക്ട്. കേരളത്തിലെ എല്ലാ സഭകളിലും അടുത്ത ദിവസങ്ങളിൽ ബോക്സുകൾ എത്തിക്കും. എല്ലാ സഭകളിലും ഓരോ വിശ്വാസിയും എല്ലാ ഞായറാഴ്ചകളിലും ഓരോ രൂപ (വൺ റുപ്പീ) ഹാളിൽ പ്രത്യേകം സ്ഥാപിക്കപ്പെടുന്ന ബോക്സിൽ നിക്ഷേപിക്കുക. കൃത്യമായ ഇടവേളകളിൽ തുക ശേഖരിക്കുകയും ക്ഷേമ പ്രവർത്തനങ്ങൾക്ക് ഉപയോഗിക്കുകയും ചെയ്യുക എന്നതാണ് പദ്ധതി. ലഭിക്കുന്ന തുക അർഹതപ്പെട്ട കരങ്ങളിൽ എത്തിക്കുക എന്നതാണ് ഈ പ്രോജക്ടിന്റെ ലക്ഷ്യം. സഭാ ജനങ്ങൾക്ക് വലിയ ഭാരം നൽകാതെ എല്ലാവരുടെയും പങ്കാളിത്തം ഉറപ്പുവരുത്തി ചെയ്യുവാൻ ഉദ്ദേശിക്കുന്ന ഈ പ്രോജക്ടിന് വളരെ പിന്തുണയാണ് വിവിധ സഭകളിൽ നിന്നും നിലവിൽ ലഭിക്കുന്നത്. കൂടാതെ വിദേശ സഭകളേയും, ക്ഷേമ പ്രവർത്തനങ്ങൾക്ക് താൽപ്പരരായ ആളുകളയേയും ഉൾപ്പെടുത്തി വിവിധ ക്ഷേമ പദ്ധതികൾ ആവിഷ്കരിക്കുക എന്നതും മുഖ്യ ലക്ഷ്യമാണ്. ഇതുകൂടാതെ സ്റ്റേറ്റിലെ എല്ലാ ശുശ്രൂഷകന്മാർക്കും, കൗൺസിൽ അംഗങ്ങൾക്കും, മാധ്യമ പ്രവർത്തകർക്കും സൗജന്യ ഇൻഷുറൻസ് പോളിസിയും ബോർഡ് നനൽകുന്നുണ്ട്.
ഐപിസി കേരള സ്റ്റേറ്റ് നേതൃത്വത്തിനോടൊപ്പം സജി മത്തായി കാതേട്ട് (ചെയർമാൻ), ജോസ് ജോൺ കായംകുളം (വൈസ് ചെയർമാൻ), ബേസിൽ അറക്കപ്പടി (സെക്രട്ടറി), പാസ്റ്റർ ബോബൻ ക്ലീറ്റസ് (ജോയിൻ സെക്രട്ടറി) , ജോബി എബ്രഹാം (ട്രഷറർ), പാസ്റ്റർ ജോൺസൺ കുര്യൻ (കോഡിനേറ്റർ), ജോർജ് തോമസ് (ഫിനാൻസ് കോഡിനേറ്റർ), സന്ദീപ് വിളമ്പുകണ്ടം (മീഡിയ കൺവീനർ) തുടങ്ങിയവർ അടങ്ങുന്ന സമിതിയാണ് പ്രവർത്തനങ്ങൾക്ക് നേതൃത്വം നൽകുന്നത്.
വെസ്ലി മാത്യു (ഡാളസ്) ആണ് ഡയറക്ടർ. സോഷ്യൽ വെൽഫെയർ ബോർഡിന്റെ പ്രവർത്തനങ്ങൾക്കായി കൗൺസിൽ അംഗങ്ങളെ കൂടാതെ എല്ലാ ജില്ലകളിലും കോർഡിനേറ്റരും പ്രവർത്തനങ്ങൾക്ക് നേതൃത്വം നല്കും. സ്പോൺസർ ഡയറക്ടർമാരായി പാസ്റ്റർമാരായ എബ്രഹാം ഉമ്മൻ, ജോസഫ് വില്യംസ്, ഫിലിപ്പ് പി. തോമസ്, ജോൺ എസ്. മരത്തിനാൽ എന്നിവർ പ്രവർത്തിക്കുന്നു.
സന്ദീപ് വിളമ്പുകണ്ടം (മീഡിയ കൺവീനർ)
Advertisement
