ജന്മനാടിൻ്റെ കണ്ണീരിൽ കുതിർന്ന യാത്രാമൊഴി ഏറ്റുവാങ്ങി ഡോ. കെ.പി യോഹന്നാൻ

വാർത്ത: പാസ്റ്റർ മാത്യു ജോർജ് നിരണം

നിരണം: ജന്മനാടിൻ്റെ കണ്ണീരിൽ കുതിർന്ന പ്രത്യാശാനിർഭരമായ അന്ത്യ യാത്രമൊഴി ഏറ്റുവാങ്ങി ഡോ. കെ.പി. യോഹന്നാൻ. 

നിരണം ഈസ്റ്റേൺ ബിലിവേഴ്സ് ചർച്ചിൽ നടന്ന അനുസ്മരണം നാടിന്റെ തേങ്ങലായി. ജാതി മത ഭേതമന്യ വൻ ജനാവലിയാണ് ഡോ. കെ.പി യോഹന്നാനു അന്ത്യാജ്ഞലി അർപ്പിക്കാനെത്തിയത്.

ബാല്യകാലം തൊട്ടുള്ള ജീവിതയാത്രയിലുടെ തൊട്ടറിഞ്ഞതും നടന്നറിഞ്ഞതുമല്ലാം ഹൃദയസ്പർശിയായി നിരണത്തെ ഗ്രാമവാസികൾ അനുസ്മരിച്ചും തമ്മിൽ പറഞ്ഞും കെ.പി.യുടെ സ്മരണകൾ അനശ്വരമാക്കുകയാണ്.

നിരണത്തെ വിടവാങ്ങലിനു ശേഷം തിരുവല്ല കെ.എസ് ആർ ടി സി ബസ് സ്റ്റേഷൻ കോർണറിൽ പൊതുദർശനത്തിനു വയ്ക്കും. വിവിധ സാമൂഹിക സാംസ്കാരിക രാഷ്ട്രീയ നേതാക്കളും സഭാ നേതാക്കളും പൊതുജനങ്ങളും അന്ത്യാജ്ഞലി അർപ്പിക്കാനെത്തും.

മെയ് 20 ന് രാവിലെ 10 മുതൽ സഭാസ്ഥാനമായ ബിലിവേഴ്സ് ചർച്ച് കൺവൻഷൻ സെൻ്ററിൽ പൊതുദർശനത്തിനു വയ്ക്കും. കുറ്റപ്പുഴയിലെ സെൻ്റ് തോമസ് നഗറിൽ മെയ് 21നു സംസ്കരിക്കും.

അമേരിക്കയിൽ പ്രഭാത നടത്തത്തിനിടെ വാഹനം ഇടിച്ച് പരിക്കേറ്റ് ചികിത്സയിലിരിക്കെയായിരുന്നു അന്ത്യം.

ബിലിവേഴ്സ് ഈസ്റ്റേൺ ചർച്ച് സഭാധ്യക്ഷൻ ഡോ. മാർ അത്തനേഷ്യസ് യോഹാൻ മെത്രാപ്പോലീത്തയുടെ (ബിഷപ്പ് കെ.പി. യോഹന്നാൻ) ഭൗതീക ദേഹം സഭാ ആസ്ഥാനമായ തിരുവല്ല കുറ്റപ്പുഴയിലെ സെൻ്റ് തോമസ് നഗറിൽ മെയ് 21 നു സംസ്കരിക്കും.

പത്തനംതിട്ട: ബിലീവേഴ്സ് ഈസ്റ്റേൺ ചർച്ച് അധ്യക്ഷൻ ബിഷപ്പ് കെ പി യോഹന്നാൻ വിടവാങ്ങി. അമേരിക്കയിൽ വെച്ച് പ്രഭാത നടത്തത്തിനിടെ വാഹനം ഇടിച്ച് പരിക്കേറ്റ് ചികിത്സയിലിരിക്കെയാണ് അന്ത്യം. നിരാലംബർക്ക് സ്വാന്തനമേകി ആതുരസേവനരംഗത്ത് നിറസാന്നിദ്ധ്യമായിരുന്ന വ്യക്തിത്വമാണ് വിടവാങ്ങിയത്.  

 സഭാ വിശ്വാസികളെ കണ്ണീരിലാഴ്ത്തി ബിലീവേഴ്സ് ഈസ്റ്റേൺ ചർച്ചിന്‍റെ പ്രഥമ മെത്രാപ്പോലീത്ത വിടവാങ്ങി. അപ്പർ കുട്ടനാട്ടിലെ നിരണത്ത് സാധാരണ കർഷക കുടുംബത്തിലാണ് കെ പി യോഹന്നാന്‍റെ ജനനം. കൗമാരകാലത്ത് തന്നെ ബൈബിൾ പ്രഘോഷണത്തിലേക്ക് തിരിഞ്ഞു. 16-ാ വയസിൽ ഓപ്പറേഷൻ മൊബിലൈസേഷൻ എന്ന സംഘടനയുടെ ഭാഗമായി. 1974 ൽ അമേരിക്കയിലെ ഡാലസ്സിൽ ദൈവശാസ്ത്രപഠനത്തിന് ചേർന്നു. പാസ്റ്ററായി ദൈവവചനം പ്രചരിപ്പിച്ച് പിന്നീട് വൈദിക ജീവിതം. ഇതേമേഖലയിൽ സജീവമായിരുന്ന ജർമൻ പൗര ഗിസല്ലയെ വിവാഹം ചെയ്തു. 1978 ൽ ഭാര്യയുമായി ചേ‍ർന്ന് തുടങ്ങിയ ഗോസ്പൽ ഫോർ ഏഷ്യ എന്ന സ്ഥാപനം ജീവിതത്തിൽ വഴിത്തിരിവായി. സംഘടന വളർന്നതോടെ നീണ്ട വിദേശവാസത്തിനു ശേഷം തിരുവല്ല ആസ്ഥാനമായി പ്രവർത്തിക്കാൻ യോഹന്നാൻ തീരുമാനിച്ചു. 

 ലോകമെമ്പാടുമുള്ള വിശ്വാസസമൂഹത്തെ ചേർത്തുനിർത്തി 2003 ൽ ബീലീവേഴ്സ് ചർച്ച എന്ന സഭയ്ക്ക് രൂപംന ൽകി. ആതുരവേസന രംഗത്ത് സഭ വേറിട്ട സാന്നിദ്ധ്യമായി. ചുരുങ്ങിയ ചിലവിൽ സാധാരണക്കാരന് ചികിത്സ ഉറപ്പാക്കാൻ തിരുവല്ലയിൽ മെഡിക്കൽ കോളേജും തുടങ്ങി. ഇന്ത്യയിലുടനീളം സഭ കാരുണ്യ പ്രവർത്തനങ്ങൾ ഏറ്റെടുത്തു. ദുരന്തമുഖങ്ങളിൽ കാരുണ്യ സ്പർശമായി.