എജി മധ്യമേഖല പ്രാർത്ഥന പദയാത്ര നവംബർ 18  മുതൽ

കോട്ടയം: അസംബ്ലീസ് ഓഫ് ഗോഡ് മലയാളം ഡിസ്ട്രിക്ട് കൗൺസിൽ മധ്യമേഖലയുടെ നേതൃത്വത്തിൽ കോട്ടയം, ആലപ്പുഴ,പത്തനംതിട്ട, കൊല്ലം ജില്ലകളിലൂടെ ആറു ദിവസത്തെ പ്രാർത്ഥന പദയാത്ര 'യൂക്കോമയ് ' എന്ന പേരിൽ നവം.18 തിങ്കൾ മുതൽ 23 ശനി വരെ നടക്കും.

മധ്യമേഖല ഡയറക്ടർ പാസ്റ്റർ ജെ. സജിയുടെ നേതൃത്വത്തിൽ മേഖലയിലെ 26 പ്രസ്ബിറ്ററന്മാരുടെയും സഹകരണത്തോടെയാണ് പ്രാർത്ഥന പദയാത്ര നടത്തുന്നത്.

26 സെക്ഷനുകളിൽ നിന്നായി ആദിയോടന്തം 50 പദയാത്രികർ  പങ്കെടുക്കും. അതതു സെക്ഷനുകളിലെ ശുശ്രൂഷകന്മാരും വിശ്വാസികളും പദയാത്രയിൽ അണിചേരും. 

എല്ലാദിവസവും രാവിലെ ഏഴു മുതൽ പത്തു മണിവരെയും വൈകിട്ട് നാലു മുതൽ ഏഴു മണിവരെയുമാണ് പദയാത്ര. കവലകളിൽ പരസ്യയോഗങ്ങളും വൈകുന്നേരം മുറ്റത്ത് കൺവെൻഷനും നടക്കും. 

 പ്രസ്ബിറ്ററന്മാരായ പാസ്റ്റർ ഷാജി ജോർജ്ജ്(കോട്ടയം),പാസ്റ്റർ ഷൈജു തങ്കച്ചൻ(ചെങ്ങന്നൂർ),പാസ്റ്റർ അജി കെ. ജോൺ(കൊല്ലം) എന്നിവരും  ജിനു വർഗീസ്സും(പത്തനാപുരം) എന്നിവർ നേതൃത്വം നൽകും.

പാസ്റ്റർ ജോൺ തോമസ് (കാനഡ), പാസ്റ്റർ വിജി ചാക്കോ(അറ്റ്ലാൻ്റാ), സാബു യോഹന്നാൻ (ഡാളസ്സ്) എന്നിവർ മധ്യമേഖലയുടെ കോർഡിനേറ്റർമാരായി പ്രവർത്തിക്കുന്നു.

വിവരങ്ങൾക്ക്: പാസ്റ്റർ ജെ.സജി 9074527493

വാർത്ത: ജിനു വർഗീസ് പത്തനാപുരം