എ.ജി മലയാളം ഡിസ്ട്രിക് സൺഡേസ്കൂൾ വാർഷിക പരീക്ഷ നവം.24ന്
മലയാളം ഡിസ്ട്രിക്റ്റിൻ്റെ ചരിത്രത്തിൽ ആദ്യമായി തമിഴ് ഭാഷയിലും ചോദ്യപേപ്പർ
പുനലൂർ. അസംബ്ലീസ് ഓഫ് ഗോഡ് മലയാളം ഡിസ്ട്രിക് കൗൺസിൽ സൺഡേസ്കൂൾ വാർഷിക പരീക്ഷ നവംബർ 24 ഞായറാഴ്ച ഉച്ചക്ക് 3 മുതൽ 5 വരെ നടക്കും .
ഈ വർഷം 9400 ൽ പരം കുട്ടികളാണ് പരീക്ഷ എഴുതുന്നത്.
മലയാളം ഡിസ്ട്രിക്റ്റിൻ്റെ ചരിത്രത്തിൽ ആദ്യമായി ഇക്കുറി തമിഴ് ഭാഷയിൽ ചോദ്യപേപ്പർ തയ്യാറാക്കിയിട്ടുണ്ട്.
ആയിരത്തിൽ പരം എ.ജി സഭകളുടെ മൂന്ന് മേഖലകളിലുള്ള 56 സെക്ഷനിൽ ചോദ്യപേപ്പർ വിതരണം ചെയ്തു കഴിഞ്ഞുവെന്നും വളരെ ഉത്തരവാദിത്വത്തോടെ ഡിസ്ട്രിക് സൺഡെസ്ക്കൂൾ കമ്മിറ്റി വാർഷിക പരീക്ഷയ്ക്ക് വിപുലമായ ഒരുക്കങ്ങളാണ് ചെയ്തിരിക്കുന്നതെന്നും ഡയറക്ടർ ബ്രദർ സുനിൽ പി.വർഗീസ് ഗുഡ്ന്യൂസിനോട് പറഞ്ഞു.
ഡിസ്ട്രിക്ട് സൺഡേസ്കൂൾ ഡയറക്ടർ സുനിൽ പി വർഗീസ് (മാവേലിക്കര), സെക്രട്ടറി ജോൺസൻ .ടി ( തിരുവനന്തപുരം), ട്രഷറർ ബിജു ഡാനിയേൽ ( എറണാകുളം) എന്നിവർ നേതൃത്വം നൽകും.
