അരനൂറ്റാണ്ടിൻ്റെ പ്രവർത്തന മികവിൽ ന്യൂഡൽഹി ഫസ്റ്റ് ബെഥെൽ ഏജി ചർച്ച്
ഡൽഹി: അരനൂറ്റാണ്ടിൻ്റെ പ്രവർത്തന മികവിൽ ന്യൂഡൽഹി ഫസ്റ്റ് ബെഥെൽ ഏജി ചർച്ച്.
എ.ജി യുടെ ആദ്യത്തെ പ്രവർത്തനം 1974 -ൽ പാസ്റ്റർ ബേബി ഡാനിയേൽ ലാജ്പത് നഗറിൽ ആരംഭിച്ചു, ഇന്ന് ആ പ്രവർത്തനം മാളവ്യ നഗറിൽ വളരെ അനുഗ്രഹിക്കപ്പെട്ട രീതിയിൽ നടത്തപ്പെട്ടു കൊണ്ടിരിക്കുന്നു. കഴിഞ്ഞ അൻപതു വർഷം രാജ്യ തലസ്ഥാനത്തു ജോലിക്കും, പഠനത്തിനുമായി വന്ന അനേകർക്ക് ദൈവസഭ ഒരു അനുഗ്രഹം ആയിരുന്നു. സഭയുടെ തുടക്കത്തിൽ വളരെ പ്രതികൂലത്തിൽ കൂടി സഭാ കടന്നു പോയി. വാടകയ്ക്ക് കൂടിവരാൻ ഉള്ള സൗകര്യം പോലും തുടക്ക കാലങ്ങളിൽ ലഭിക്കുക ബുദ്ധിമുട്ടായിരുന്നു.
1987 ജൂൺ മുതൽ കൊട്ടാരക്കര തൃക്കണ്ണമംഗൽ സ്വദേശി റവ. ജോപ്പച്ചൻ സാമൂവേൽ സഭാ ശുശ്രുഷകനായി പ്രവർത്തിക്കുന്നു. അനേക ഇടങ്ങളിൽ മാറി മാറി വാടക കെട്ടിടങ്ങളിൽ ആരാധിച്ച ശേഷം അനേക നാളുകളുടെ പ്രാർത്ഥനയുടെ ഫലമായി ദൈവം സഭയ്ക്കു 1995ൽ മാളവ്യ നഗറിൽ സ്വന്തമായി ആരാധനാലയവും, പാഴ്സനേജും നൽകി.
മലയാളം, ഇഗ്ലീഷ്, ഹിന്ദി ഭാഷകളിൽ ആരാധനകൾ നടക്കുന്നു. ഇംഗ്ലീഷ് ആരാധനയിൽ പങ്കെടുത്ത വിദേശത്തു നിന്നുള്ള അനേകർക്കും തങ്ങളുടെ ജീവിതത്തിൽ അത്ഭുത രോഗസൗഖ്യങ്ങൾ ലഭിയ്ക്കുവാൻ ഇടയായി.
ഈ സഭയുമായി ബന്ധപ്പെടുവാൻ ആഗ്രഹിക്കുന്നവർ റവ. ജോപ്പച്ചൻ സാമുവേൽ - +91 9810701777 , ജെയിംസ് മാത്യു, (സെക്രട്ടറി) - +91 9582993003
