സിൽവർ ജൂബിലി നിറവിൽ ബെഥേൽ അസ്സെംബ്ലീസ്‌ ഓഫ് ഗോഡ് ദോഹ
ഖത്തർ: 1999 മെയ് പ്രാർത്ഥിച്ചു ആരംഭിച്ച ബെഥേൽ അസ്സെംബ്ലീസ്‌ ഓഫ് ഗോഡ് ദോഹ ദൈവസഭയുടെ സിൽവർ ജൂബിലി കൺവെൻഷനും മലയാളം , ഇംഗ്ലീഷ് ,ഹിന്ദി,തമിഴ് മുതലായ ഭാഷകളിലുള്ള കൂടിവരവുകളുടെ സംയുക്ത ആരാധനയും നവംബർ 20 മുതൽ 22 വരെ നടക്കും.
ബെഥേൽ എ.ജി. ദോഹ ദൈവസഭ സ്ഥാപകനും പ്രസിഡന്റുമായ പാസ്റ്റർ കുര്യൻ സാമുവേൽ , സീനിയർ പാസ്റ്റർ പി എം ജോർജ് എന്നിവർ നേതൃത്വം നൽകുന്ന യോഗങ്ങളിൽ അസ്സംബ്ലീസ്‌ ഓഫ് ഗോഡ് മലയാളം ഡിസ്ട്രിക്ട് സൂപ്രണ്ട് പാസ്റ്റർ ടി ജെ സാമുവേൽ മുഖ്യപ്രസംഗകൻ ആയിരിക്കും.
നവം.20 ബുധൻ , 21 വ്യാഴം തീയതികളിൽ വൈകുന്നേരം 7 മുതൽ 9.30 വരെയും 22 വെള്ളിയാഴ്ച രാവിലെ 8 മുതൽ ഉച്ചയ്ക്ക് 12 വരെയും ആണ് യോഗങ്ങൾ.
ബുധൻ , വ്യാഴം ദിവസങ്ങളിൽ അബുഹമൂറിലെ ഐ.ഡി.സി.സി.കോംപ്ലക്സിൽ സ്ഥിതി ചെയ്യുന്ന ബെഥേൽ അസ്സെംബ്ലീസ്‌ ഓഫ് ഗോഡ് സഭയുടെ ആലയത്തിലും രാവിലെ നടക്കുന്ന യോഗം ഐഡിസിസി.യുടെ അങ്കണത്തിലെ ടെന്റിലുമാണ് നടക്കുക.
ബെഥേൽ എ. ജി കൊയർ സംഗീത ആരാധനയ്ക്കു നേതൃത്വം നൽകും.
കൺവെൻഷന്റെ സുഗമമായ നടത്തിപ്പിനായി സെക്രട്ടറി ജോർജ് വർഗീസിന്റെ നേതൃത്വത്തിൽ വിവിധ സബ് കമ്മറ്റികൾ രൂപീകരിച്ചു പ്രവർത്തിച്ചു വരുന്നു.
Advertisement
