ഇപിപിഎഫ് ലോഗോസ് ഫെസ്റ്റ് ഒക്ടോബർ 2ന്

Sep 24, 2024 - 15:40 Updated: Sep 24, 2024 - 15:50

406

ഡോ. വി.പി. ജോയ് ഐഎഎസ്, റവ. ജേക്കബ് ആന്റണി കൂടത്തിങ്കൽ, ഡോ. എബി പി. മാത്യു, റവ. ബിജു കൃഷ്ണൻ, ഡോ. ബീനാം സാം എന്നിവർ

കോട്ടയം: എംപ്ലോയീസ് ആൻഡ് പ്രൊഫഷണൽ സ് പ്രെയർ ഫെലോഷിപ്പ് (ഇപിപിഎഫ്) 32-ാമതു സംസ്ഥാന വാർഷികത്തോട നുബന്ധിച്ച് ക്രമീകരിക്കുന്ന "ലോഗോസ് ഫെസ്റ്റ് 2024" ഒക്ടോബർ 2ന് രാവിലെ 9.30 മുതൽ വൈകുന്നേ രം 4.30 വരെ റെയിൽവേ സ്റ്റേഷനു സമീപമുള്ള എം.റ്റി. സെമിനാരി ഹയർ സെക്കൻഡറി സ്‌കൂൾ ഓഡിറ്റോറിയത്തിൽ നടക്കും.

കേരള മുൻ ചീഫ് സെക്രട്ടറിയും കെപിഇഎസ്ആർബി ചെയർമാനുമായ ഡോ. വി.പി. ജോയ് ഐഎഎസ് ഉദ്ഘാടനം ചെയ്യും. ഇപിപിഎഫ് ഓണററി പ്രസിഡന്റ് റവ. ജേക്കബ് ആന്റണി കൂടത്തിങ്കൽ അധ്യക്ഷത വഹിക്കും. ഡോ. എബി പി. മാത്യു, റവ. ബിജു കൃഷ്ണൻ, ഡോ. ബീനാം സാം എന്നിവർ സന്ദേശം നൽകും.

"കുറ്റവാസനകളും അതിക്രമങ്ങളും പെരുകുന്ന സമൂഹത്തിൽ ക്രൂശിക്ക പ്പെട്ട ക്രിസ്തുവിന്റെ ഉപദേശങ്ങളുടെ സ്വാധീനം' എന്നതാണ് ചിന്താവിഷയം. ഇപിപിഎഫ് ക്വയർ നേതൃത്വം നൽകുന്ന ഗാനശുശ്രൂഷ, സ്തോത്രശുശ്രൂഷ, രാജ്യത്തിനായുള്ള പ്രത്യേക പ്രാർഥന എന്നിവയും ഉണ്ടായിരിക്കും. ഇപിപിഎഫ് ജനറൽ സെക്രട്ടറി ഇവാ. എം.സി. കുര്യൻ, പി.വി. വർഗീസ്, ജോൺ മാത്യു, ഷാനി മാത്യു, മാത്യു ജേക്കബ് തുടങ്ങിയവർ നേതൃത്വം നൽ കും. ഫോൺ 9349503660.