ഫ്രാ​ൻ​സി​സ് മാ​ർ​പാ​പ്പ ഇ​ന്ന് ഇ​റാ​ക്കി​ൽ

0
808

വ​​ത്തി​​ക്കാ​​ൻ സി​​റ്റി: നാ​​ലു ദി​​വ​​സ​​ത്തെ അ​​പ്പ​​സ്തോ​​ലി​​ക സ​​ന്ദ​​ർ​​ശ​​ന​​ത്തി​​നാ​​യി ഫ്രാ​​ൻ​​സി​​സ് മാ​​ർ​​പാ​​പ്പ ഇ​​ന്ന് ഇ​​റാ​​ക്കി​​ലെ​​ത്തും. സ​​ന്ദ​​ർ​​ശ​​നം പ്ര​​മാ​​ണി​​ച്ച് ക​​ന​​ത്ത സു​​ര​​ക്ഷ​​യാ​​ണ് ഇ​​റാ​​ക്കി സ​​ർ​​ക്കാ​​ർ ഒ​​രു​​ക്കി​​യി​​രി​​ക്കു​​ന്ന​​ത്.

ഇ​​ന്ന് റോ​​മി​​ൽ​​നി​​ന്ന് ബാ​​ഗ്ദാ​​ദി​​ൽ വി​​മാ​​ന​​മി​​റ​​ങ്ങു​​ന്ന മാ​​ർ​​പാ​​പ്പ പ്ര​​സി​​ഡ​​ൻ​​ഷ്യ​​ൽ കൊ​​ട്ടാ​​ര​​ത്തി​​ലെ സ്വീ​​ക​​ര​​ണ യോ​​ഗ​​ത്തി​​ൽ പ​​ങ്കെ​​ടു​​ക്കും. നാ​​ളെ ന​​ജാ​​ഫി​​ൽ ഇ​​റാ​​ക്കി ഷി​​യാ മു​​സ്‌​​ലിം​​ക​​ളു​​ടെ ആ​​ചാ​​ര്യ​​ൻ ആ​​യ​​ത്തു​​ള്ള അ​​ലി അ​​ൽ സി​​സ്താ​​നി​​യു​​മാ​​യി കൂ​​ടി​​ക്കാ​​ഴ്ച ന​​ട​​ത്തും. എ​​ർ​​ബി​​ൽ, മൊ​​സൂ​​ൾ, ഉ​​ർ, ഖ​​റാ​​ക്കോ​​ഷ് ന​​ഗ​​ര​​ങ്ങ​​ൾ സ​​ന്ദ​​ർ​​ശി​​ക്കു​​ന്ന മാ​​ർ​​പാ​​പ്പ മ​​താ​​ന്ത​​ര​​സ​​മ്മേളനങ്ങ​​ളി​​ലും പ്രാ​​ർ​​ഥ​​നാ പ​​രി​​പാ​​ടി​​ക​​ളി​​ലും പ​​ങ്കെ​​ടു​​ക്കും. 

സം​സ്കാ​ര​ങ്ങ​ളു​ടെ പി​ള്ള​ത്തൊ​ട്ടി​ലാ​യ ​ഭൂ​മി​യി​ലെ സ​ന്ദ​ർ​ശ​ന​ത്തെ​യും അ​വി​ടു​ത്തെ ജ​ന​ങ്ങ​ളോ​ടൊ​പ്പം സ​മ​യം ചെ​ല​വ​ഴി​ക്കാ​ൻ ല​ഭി​ക്കു​ന്ന അ​വ​സ​ര​ത്തെ​യും ഏ​റെ പ്ര​തീ​ക്ഷ​യോ​ടെ​യും സ​ന്തോ​ഷ​ത്തോ​ടെ​യു​മാ​ണു നോ​ക്കി​ക്കാ​ണു​ന്ന​ത്. വ​ർ​ഷ​ങ്ങ​ൾ നീ​ണ്ട യു​ദ്ധ​വും ഭീ​ക​ര​വാ​ഴ്ച​യും ത​ക​ർ​ത്ത നാ​ടാ​ണ് ഇ​റാ​ക്ക്. അ​നു​ര​ഞ്ജ​ന​ത്തി​ന്‍റെ അ​ഭ്യ​ർ​ഥ​ന​യോ​ടെ​യാ​ണ് എ​ന്‍റെ തീ​ർ​ഥാ​ട​ന​യാ​ത്ര-​മാ​ർ​പാ​പ്പ വ്യ​ക്ത​മാ​ക്കി.

മ​ത​പീ​ഡ​ന​ങ്ങ​ളാ​ൽ ര​ക്ത​സാ​ക്ഷി​യാ​യ ഇ​റാ​ക്കി​ലെ സ​ഭ​യ്ക്കൊ​പ്പ​മാ​കാ​ൻ ക​ഴി​യു​ന്ന​ത് ബ​ഹു​മ​തി​യാ​ണ്. ത​ക​ർ​ക്ക​പ്പെ​ട്ട പ​ള്ളി​ക​ളു​ടെ​യും ഭ​വ​ന​ങ്ങ​ളു​ടെ​യും ഓ​ർ​മ​ക​ളു​മാ​യി​ട്ടാ​ണ് ഇ​റാ​ക്കി ക്രൈ​സ്ത​വ​ർ ജീ​വി​ക്കു​ന്ന​ത്. വ​ർ​ഷ​ങ്ങ​ൾ തു​ട​ർ​ന്ന പീ​ഡ​ന​ത്തി​ൽ വീ​ഴാ​തെ പി​ടി​ച്ചു​നി​ന്ന ക്രൈ​സ്ത​വ​ർ​ക്കും മു​സ്‌​ലിം, യ​സീ​ദി വി​ഭാ​ഗ​ങ്ങ​ൾ​ക്കു​മൊ​പ്പം താ​നു​ണ്ടെ​ന്നു മാ​ർ​പാ​പ്പ പ​റ​ഞ്ഞു.

നി​ങ്ങ​ളു​ടെ അ​നു​ഗൃ​ഹീ​ത​മാ​യ, മു​റി​വേ​റ്റ ഭൂ​മി​യി​ലേ​ക്കു പ്ര​തീ​ക്ഷ​യു​ടെ തീ​ർ​ഥാ​ട​ക​നാ​യി​ട്ടാ​ണ് ഞാ​ൻ വ​രു​ന്ന​ത്. ഇ​ത​ര മ​ത​ങ്ങ​ളി​ലെ സ​ഹോ​ദ​രീ​സ​ഹോ​ദ​ര​ങ്ങ​ൾ​ക്കൊ​പ്പം സ​മ​യം ചെ​ല​വ​ഴി​ക്കാ​നും പ്രാ​ർ​ഥി​ക്കാ​നും ആ​ഗ്ര​ഹി​ക്കു​ന്നു. ആ​യി​ര​ക്ക​ണ​ക്കി​നു വ​ർ​ഷ​ങ്ങ​ൾ​ക്കു മു​ന്പ് പി​താ​വാ​യ ഏ​ബ്ര​ഹാം തു​ട​ങ്ങി​വ​ച്ച യാ​ത്ര അ​തേ അ​ന്തഃ​സ​ത്ത​യോ​ടെ, സ​മാ​ധാ​ന​ത്തി​ന്‍റെ പാ​ത​യി​ൽ ന​മു​ക്കൊ​രു​മി​ച്ചു തു​ട​രാ​മെ​ന്ന് മാ​ർ​പാ​പ്പ പ​റ​ഞ്ഞു.

ഇ​താ​ദ്യ​മാ​യാ​ണ് ഒ​രു മാ​ർ​പാ​പ്പ ഇ​റാ​ക്ക് സ​ന്ദ​ർ​ശി​ക്കു​ന്ന​ത്. 1999ൽ ​ജോ​ൺ പോ​ൾ ര​ണ്ടാ​മ​ൻ മാ​ർ​പാ​പ്പ ഇ​റാ​ക്ക് സ​ന്ദ​ർ​ശ​ന​ത്തി​നു പ​ദ്ധ​തി​യി​ട്ടെ​ങ്കി​ലും ന​ട​ന്നി​ല്ല.

മൊ​സൂ​ൾ, ഖ​റാ​ക്കോ​ഷ്, എ​ർ​ബി​ൽ ന​ഗ​ര​ങ്ങ​ൾ ഫ്രാ​ൻ​സി​സ് മാ​ർ​പാ​പ്പ സ​ന്ദ​ർ​ശി​ക്കും. നാ​ളെ ന​ജാ​ഫി​ൽ​വ​ച്ച് ഇ​റാ​ക്കി ഷി​യാ മു​സ്‌​ലിം​ക​ളു​ടെ ആ​ചാ​ര്യ​നാ​യ ആ​യ​ത്തൊ​ള്ള അ​ലി അ​ൽ സി​സ്താ​നി​യു​മാ​യി കൂ​ടി​ക്കാ​ഴ്ച ന​ട​ത്തും. മാ​ർ​പാ​പ്പ​യു​ടെ സ​ന്ദ​ർ​ശ​ന​ത്തോ​ട് അ​നു​ബ​ന്ധി​ച്ച് ഇ​റാ​ക്കി​ൽ ക​ന​ത്ത സു​ര​ക്ഷ​യാ​ണ് ഒ​രു​ക്കി​യി​രി​ക്കു​ന്ന​ത്.

2003നു ​മു​ന്പ് 14 ല​ക്ഷം ക്രൈ​സ്ത​വ വി​ശ്വാ​സി​ക​ൾ ഇ​റാ​ക്കി​ലു​ണ്ടാ​യി​രു​ന്നു. യു​ദ്ധ​വും ഇ​സ്‌​ലാ​മി​ക് സ്റ്റേ​റ്റി​ന്‍റെ കി​​ര​ാതവാ​ഴ്ച​യും മൂ​ലം ഭൂ​രി​ഭാ​ഗ​വും അ​ന്യ​രാ​ജ്യ​ങ്ങ​ളി​ലേ​ക്കു പ​ലാ​യ​നം ചെ​യ്തു. ഇ​ന്ന് മൂ​ന്നു- നാ​ല് ല​ക്ഷം ക്രൈ​സ്ത​വ​രേ ഉ​ള്ളൂ.

സന്ദർശന പരിപാടി

റോ​മി​ൽ​നി​ന്നെ​ത്തു​ന്ന ഫ്രാ​ന്‍​സി​സ് മാ​ര്‍​പാ​പ്പ​യ്ക്ക് ബാ​ഗ്ദാ​ദി​ലെ പ്ര​സി​ഡ​ന്‍​ഷ്യ​ല്‍ കൊ​ട്ടാ​ര​ത്തി​ൽ സ്വീ​ക​ര​ണം. തു​ട​ര്‍​ന്ന് മാ​ര്‍​പാ​പ്പ പ്ര​സി​ഡ​ന്‍റ് ബ​ര്‍​ഹാം സാ​ലി​ഹു​മാ​യി കൂ​ടി​ക്കാ​ഴ്ച ന​ട​ത്തും. ബാ​ഗ്ദാ​ദി​ലെ അ​വ​ര്‍ ലേ​ഡി ഓ​ഫ് സാ​ല്‍​വേ​ഷ​ന്‍ സി​റി​യ​ന്‍ ക​ത്തോ​ലി​ക്കാ ക​ത്തീ​ഡ്ര​ലി​ല്‍ മെ​ത്രാ​ന്മാ​രു​മാ​യും പു​രോ​ഹി​ത​രു​മാ​യും കൂ​ടി​ക്കാ​ഴ്ച.

ശ​നി​യാ​ഴ്ച ന​ജാ​ഫി​ലേ​ക്ക്. ആ​യ​ത്തു​ള്ള അ​ലി അ​ല്‍ സി​സ്താ​നി​യു​മാ​യി കൂ​ടി​ക്കാ​ഴ്ച. ഉ​ര്‍ ന​ഗ​ര​ത്തി​ല്‍ മ​താ​ന്ത​ര സ​മ്മേ​ള​നം. ഉ​ച്ച​യ്ക്കു ബാ​ഗ്ദാ​ദി​ലെ സെ​ന്‍റ് ജോ​സ​ഫ് ക​ല്‍​ദാ​യ ക​ത്തീ​ഡ്ര​ലി​ല്‍ വിശുദ്ധ കുർബാന.

ഞാ​യ​റാ​ഴ്ച എ​ര്‍​ബി​ല്‍ ന​ഗ​ര​ത്തി​ലേ​ക്ക്. മൊ​സൂ​ളി​ലെ ച​ര്‍​ച്ച് സ്‌​ക്വ​യ​റി​ല്‍ പ്രാ​ര്‍​ഥ​നാ സ​മ്മേ​ള​നം. ഖ​റാ​ക്കോ​ഷി​ലെ ഇ​മ്മാ​ക്കു​ലേ​റ്റ് ക​ണ്‍​സ​പ്ഷ​ന്‍ പ​ള്ളി സ​ന്ദ​ര്‍​ശ​നം. എ​ര്‍​ബി​ലി​ല്‍ മ​ട​ങ്ങി​യെ​ത്തി ഫ്രാ​ന്‍​സോ ഹ​രീ​രി സ്‌​റ്റേ​ഡി​യ​ത്തി​ല്‍ വി​ശു​ദ്ധ കു​ർ​ബാ​ന. ബാ​ഗ്ദാ​ദി​ലേ​ക്കു മ​ട​ക്കം.
തി​ങ്ക​ളാ​ഴ്ച രാ​വി​ലെ റോ​മി​ലേ​ക്കു മ​ട​ക്കം.

ഗുഡ്ന്യൂസിൽ വിവാഹപരസ്യം നല്കുന്നതിനും കാണുന്നതിനും

Advertisement   

LEAVE A REPLY

Please enter your comment!
Please enter your name here