ഐപിസി കൊട്ടാരക്കര സെൻ്റർ കൺവൻഷൻ നവം. 20 മുതൽ
മാത്യു സാം കൊട്ടാരക്കര (പബ്ലിസിറ്റി കൺവീനർ
കൊട്ടാരക്കര : ഇന്ത്യാ പെന്തക്കോസ്‌ത്‌ ദൈവ സഭ കൊട്ടാരക്കര സെൻ്ററിൻ്റെ 24 മതു വാർഷിക കൺവൻഷൻ നവം. 20 മുതൽ 24 വരെ ഐപിസി ബേർശേബ ഗ്രൗണ്ടിൽ നടക്കും. 20 നു വൈകിട്ട് 3.30 ന് നൂറുക്കണക്കിന് വിശ്വാസികളും ശുശ്രൂഷകരും പങ്കെടുക്കുന്ന സുവിശേഷ കൺവൻഷൻ വിളംബര റാലി നടക്കും.
വൈകിട്ട് 6 ന് കൺവൻഷൻ പൊതു സമ്മേളനം ഐപിസി സെന്റർ മിനിസ്റ്റർ പാസ്റ്റർ എ. ഒ. തോമസ്‌കുട്ടി ഉത്ഘാടനം ചെയ്യും.
വിവിധ യോഗങ്ങളിൽ പാസ്റ്റർമാരായ അജി ആൻ്റണി, സജു ചാത്തന്നൂർ, പി.സി. ചെറിയാൻ റാന്നി, കെ. ജെ. തോമസ് കുമളി എന്നിവർ പ്രസംഗിക്കും. ഞായർ സമാപന യോഗത്തിൽ ഐ.പി.സി കേരളാ സ്റ്റേറ്റ് പ്രസിഡന്റ് പാസ്റ്റർ കെ.സി. തോമസ് മുഖ്യസന്ദേശം നൽകും.
വ്യാഴം10 ന് പൊതുയോഗം 2 ന് ഫാമിലി കോൺഫറൻസ്, വെള്ളി 10 ന് പൊതു ഉപവാസ പ്രാർത്ഥന, 2 ന് സോദരി സമാജം വാർഷികം, ശനി 10 ന് , 2 ന് സണ്ടേസ്‌കൂൾ - പിവൈപിഎ സംയുക്ത വാർഷികം, ഞായർ 8 ന് തിരുവത്താഴ ശുശ്രൂഷ, 10 ന് സംയുക്ത ആരാധനയും സമാപനയോഗവും എന്നിവ നടക്കും.
എല്ലാ ദിവസവും രാത്രി യോഗങ്ങൾ, വൈകിട്ട് 6 മുതൽ 8.30 വരെ നടക്കും. ഐപിസി കൊട്ടാരക്കര സെൻറർ മ്യൂസിക് ബാൻ്റ് സംഗീത ശുശ്രൂഷകൾക്ക് നേതൃത്വം നൽകും.
കൺവൻഷൻ സംഘാടക സമിതി ഭാരവാഹികളായ പാസ്റ്റർ ഏ.ഒ. തോമസ്‌കുട്ടി (ജനറൽ കൺവീനർ) പാസ്റ്റർ ഡാനിയേൽ ജോർജ്ജ്, പാസ്റ്റർ ഷിബു ജോർജ് (ജനറൽ ജോയിന്റ് കൺവീനർമാർ) പാസ്റ്റർ തോമസ് മാത്യു (ജനറൽ കോ- ഓർഡിനേറ്റർ) മാത്യുസാം (പബ്ലിസിറ്റി കൺവീനർ) എന്നിവർ നേതൃത്വം നൽകും.
പത്രസമ്മേളനത്തിൽ പാസ്റ്റർ ഷിബു ജോർജ്ജ്, ഡി.അലക്‌സാർ, മാത്യുസാം, പാസ്റ്റർ വിൽസൺ പി.എബ്രഹാം, സാംസൻ പാളക്കോണം എന്നിവർ പങ്കെടുത്തു.
