ഐ.പി.സി എൻ.ആർ സുവർണ്ണ ജൂബിലി സമ്മേളനം; പാസ്റ്റർ അഗസ്റ്റിൻ ജബകുമാർ മുഖ്യ പ്രഭാഷകൻ

0
1749

ന്യൂഡൽഹി: ഉത്തരേന്ത്യൻ സുവിശേഷ മണ്ണിൽ 50 വർഷം പൂർത്തിയാകുന്ന ഐ.പി.സി നോർത്തേൺ റീജിയന്റെ സുവർണ്ണ ജൂബിലി സമ്മേളനങ്ങളുടെ ഒരുക്കങ്ങൾ പുരോഗമിക്കുന്നു. സമൂഹത്തിന്റെ നന്മക്കും ഉന്നമനത്തിനും ഉതകുന്ന അനവധി പ്രവർത്തനങ്ങൾക്ക് നേതൃത്വം നൽകുവാൻ ഐ. പി. സി. എൻ ആറിന് കഴിഞ്ഞു. ഒക്ടോബർ 17മുതൽ 20വരെ ന്യൂഡൽഹിയിലെ താൽക്കത്തോറ ഇൻഡോർ സ്റ്റേഡിയത്തിൽ  സഭയുടെ വാർഷിക കൺവൻഷനും സുവർണ്ണ ജൂബിലി സമ്മേളനവും നടക്കും.    പ്രശസ്ത സുവിശേഷ പ്രഭാഷകൻ പാസ്റ്റർ അഗസ്റ്റിൻ ജബകുമാർ മുഖ്യ പ്രസംഗകനായിരിക്കും. വിവിധ സഭാ, സംഘടനാ നേതാക്കളും അനേകം വിശ്വാസികളും  സംബന്ധിക്കും.

ഒക്ടോബർ 19 ന് ശനിയാഴ്ച വൈകിട്ട് നടക്കുന്ന പ്രത്യേക സുവർണ്ണ ജൂബിലി സമ്മേളനത്തിനു സമൂഹത്തിന്റെ നാനാ തുറകളിൽ നിന്നുള്ള ജനങ്ങളും, വിശിഷ്ട അതിഥികളും സാക്ഷികൾ ആകും. ഐ.പി.സി ജനറൽ പ്രസിഡന്റ് പാസ്റ്റർ ജേക്കബ് ജോൺ, ജനറൽ സെക്രട്ടറി ഡോ.കെ.സി.ജോൺ, വൈസ് പ്രസിഡന്റ് പാസ്റ്റർ വിൽസൺ ജോസഫ്, പാസ്റ്റർ വിൽസൺ വർക്കി തുടങ്ങിയവരും ഉത്തരേന്ത്യയിലെ വിവിധ സഭാ നേതാക്കൻമാരും സംബന്ധിക്കും.

പ്രശസ്ത ഗായകരായ സിസ്റ്റർ പെർസിസ് ജോണും ബ്രദർ അമിത് കാംബ്ലെയും സംഗീത ശുശ്രൂഷയ്ക്ക് നേതൃത്വം നൽകും. 

സമ്മേളനത്തിൽ ഉത്തരേന്ത്യയിലെ സുവിശേഷ പ്രവർത്തനങ്ങളുടെ തുടക്കം, ഐപിസി നോർത്തേൺ റീജിയന്റെ ചരിത്രം, 50 വർഷത്തെ പ്രവർത്തനങ്ങൾ എന്നിവ വിശദീകരിക്കുന്ന സുവനീർ പ്രകാശനം ചെയ്യും.

ജനറൽ പ്രസിഡന്റ് പാസ്റ്റർ ശാമുവേൽ ജോൺ, വർക്കിംഗ് പ്രസിഡന്റ് പാസ്റ്റർ പി.എം ജോൺ, വൈസ് പ്രസിഡന്റ് പാസ്റ്റർ ലാജി പോൾ, പാസ്റ്റർ ശാമുവേൽ തോമസ്, ജനറൽ സെക്രട്ടറി പാസ്റ്റർ തോമസ് ശാമുവേൽ, ട്രഷറർ എം.ജോണിക്കുട്ടി എന്നിവരുടെ നേതൃത്വത്തിൽ വിപുലമായ കമ്മറ്റി      പ്രവർത്തിക്കുന്നു.

 

LEAVE A REPLY

Please enter your comment!
Please enter your name here