ഐപിസി യുഎഇ റീജിയൻ സംയുക്‌ത ആരാധന ഡിസം.1ന് ഷാർജയിൽ
ഷാർജ :ഇൻഡ്യാ പെന്തെകോസ്തു ദൈവസഭ യുഎഇ റീജിയൻ സംയുക്‌ത ആരാധന ഡിസംബർ1 ന് ഞായറാഴ്ച വൈകിട്ട്‌ 5 മുതൽ ഷാർജ വർഷിപ്പ്‌ സെന്റെർ മെയിൻ ഹാളിൽ നടക്കും.
യുഎഇ റീജിയൻ സെക്രട്ടറി പാസ്റ്റർ ഷൈനോജ് നൈനാൻ അധ്യഷത വഹിക്കുന്ന ആരാധനയിൽ പാസ്റ്റർ ജോൺസൻ ഡാനിയേൽ ചെറുവക്കൽ മുഖ്യ പ്രഭാഷണം നടത്തും. റീജിയൻ പ്രസിഡന്റ് പാസ്റ്റർ ഡോ. വിൽ‌സൺ ജോസഫ് കർതൃമേശ ശുശ്രൂഷയ്ക്ക് നേതൃത്വം നൽകും.
വിദേശ രാജ്യങ്ങളിലെ ഐപിസിയുടെ ഏറ്റവും വലിയ റിജിയനാണു യുഎഇ റിജിയൻ. 40 ലധികം സഭകളുടെ ദൈവദാസന്മാരും വിശ്വാസ സമൂഹവും ഒന്നിക്കുന്ന സംയുക്‌ത ആരാധന യുഎയി ലെ പെന്തെക്കോസ്തു സമൂഹത്തിലെ വലിയ കൂട്ടായ്മയായ്‌ കണക്കാക്കപ്പെടുന്നു. എല്ലാവിധ ഒരുക്കങ്ങളും റീജിയൻ എക്സിക്യുട്ടീവസിന്റെ നേത്യത്വത്തിൽ ചെയ്തു പോരുന്നു.
വാർത്ത : കൊച്ചുമോൻ ആന്താര്യത്ത്‌, ഷാർജ
