ഐപിസി ഉടുമ്പൻചോല ഏരിയ പിവൈപിഎ താലന്ത് പരിശോധന: നെടുങ്കണ്ടം ഹെബ്രോൻ സഭയ്ക്ക് ഒന്നാം സ്ഥാനം
വാർത്ത: ജോർജ് പി. ജോസ്
ഉടുമ്പൻചോല: ഐപിസി ഉടുമ്പൻചോല ഏരിയ പിവൈപിഎ യുടെ താലന്ത് പരിശോധന നെടുംങ്കണ്ടത്ത് നടന്നു. പി.വൈ.പി.എ പ്രസിഡന്റ് പാസ്റ്റർ ബൈജു ചാക്കോയുടെ അധ്യക്ഷതയിൽ പാസ്റ്റർ അലക്സ് പി എസ് പ്രാർത്ഥിച്ച് ആരംഭിച്ചു. ഉടുമ്പൻചോല ഏരിയ വൈസ് പ്രസിഡന്റ് പാസ്റ്റർ ബിജു എം ആർ ഉദ്ഘാടനം നിർവഹിച്ചു. പാസ്റ്റർ സീനിഷ് സെബാസ്റ്റ്യൻ, പാസ്റ്റർ ഷൈൻ സെബാസ്റ്റ്യൻ, പാസ്റ്റർ സി.വി എബ്രഹാം എന്നിവർ വിധിനിർണയ കർത്തവ്യം നിർവഹിച്ചു. ഏരിയ പിവൈപിഎ സെക്രട്ടറി പാസ്റ്റർ ജോർജ് പി.ജോസ് നന്ദി അറിയിച്ചു. ഏരിയ പി.വൈ.പി.എ ട്രഷർ ബിൻസ് മോൻ ഷാജി റിസൽട്ട് പ്രഖ്യാപിച്ചു. ഒന്നാം സ്ഥാനം ഐപിസി ഹെബ്രോൻ നെടുങ്കണ്ടം ദൈവ സഭ, രണ്ടാം സ്ഥാനം ഐപിസി ആബേൽ വാർഷിപ്പ് സെന്റർ ഉടുമ്പൻചോല ദൈവസഭ , മൂന്നാം സ്ഥാനം ഐപിസി ബെഥേൽ രാജാക്കാട് ദൈവസഭയും കരസ്ഥമാക്കി. ഉടുമ്പൻചോല ഏരിയയുടെ സെക്രട്ടറി പാസ്റ്റർ ജനാർദ്ദനൻ ടി ടി പ്രാർത്ഥിച്ച് ആശിർവാദം പറഞ്ഞു.
