പെരുമ്പാവൂര്‍ മുക്കണഞ്ചേരി ഇവാ. എം. ഒ. പൗലോസ് (80) നിര്യാതനായി
കോലഞ്ചേരി: ഐപിസി പെരുമ്പാവൂര്‍ ഒന്നാംമൈല്‍ സഭാംഗമായ മുക്കണഞ്ചേരി ഇവാ. എം.ഒ. പൗലോസ് നിര്യാതനായി. ഭൗതീകശരീരം ശനിയാഴ്ച (07.12.2024) രാവിലെ 7ന് പാസ്റ്റര്‍ ജോസ് പോളിന്റെ ഒന്നാംമൈലിലുള്ള ഭവനത്തില്‍ എത്തിക്കുകയും തുടര്‍ന്ന് 9ന് ഹെബ്രോന്‍ സഭാഹാളിലെ പൊതുദര്‍ശനവും ശുശ്രൂഷകള്‍ക്കും ശേഷം സംസ്‌കാരം വൈകിട്ട് 3 ന് പോഞ്ഞാശ്ശേരിയിലുള്ള സെമിത്തേരിയില്‍ സംസ്കരിക്കും. ആദ്യകാല പെന്തക്കോസ്ത് വിശ്വാസികളില്‍ ഒരാളായിരുന്നു.
ഭാര്യ: മറിയാമ്മ പാണംകുഴി വെളിയത്തുകുടി കുടുംബാംഗമാണ്. മക്കള്‍: പാസ്റ്റര്‍ ജോസ് പോള്‍ (കുവൈറ്റ്), മാത്യൂസ് പോള്‍ (ഐപിസി പെരുമ്പാവൂര്‍ സെന്റര്‍ ട്രഷറാര്‍), ജെയിംസ് പോള്‍. മരുമക്കള്‍: സിസി ജോസ്, സോണി മാത്യൂസ്, മേഴ്‌സി ജെയിംസ്.
