ഡോ.പി.ജെ.തോമസ് സ്മാരക പ്രഭാഷണം നവം.30 ന്
തിരുവല്ല: ശാരോൻ ബൈബിൾ കോളേജ് അലെമ്‌നൈ അസോസിയേഷന്റെ ആഭിമുഖ്യത്തിൽ നവംബർ 30 ശനിയാഴ്ച ഉച്ചകഴിഞ്ഞ് 2.30 ന് ശാരോൻ ഓഡിറ്റോറിയത്തിൽ ഡോ.പി.ജെ.തോമസ് സ്മാരകപ്രഭാഷണം നടക്കും.
അസോസിയേഷൻ പ്രസിഡന്റ് പാസ്റ്റർ ജെ. ജോസഫിന്റെ അധ്യക്ഷതയിൽ കോളേജ് പ്രസിഡന്റ് റവ.ജോൺ തോമസ് ഉദ്ഘാടനം ചെയ്യും. ചർച്ച് ഓഫ് ഗോഡ് സ്റ്റേറ്റ് എജ്യുക്കേഷൻ ഡയറക്ടർ ഡോ.ജെയ്‌സൻ തോമസ് പ്രഭാഷണം നടത്തും. 'നഗരത്തിൽനിന്നു ഗ്രാമത്തിലേക്ക്: ഡോ. പി.ജെ. തോമസിന്റെ ദൗത്യദർശനം' എന്നതാണു വിഷയം.
സുവിശേഷപ്രഭാഷണത്തിൽ 50 വർഷം പൂർത്തിയാക്കിയ പൂർവവിദ്യാർഥി പാസ്റ്റർ പോൾ ഗോപാലകൃഷ്ണനെയും 1972 മുതൽ ഈ കോളേജിൽ അധ്യാപികയായി സേവനമനുഷ്ഠിച്ച മിസസ് ഗ്രേസി ജോണിനെയും ആദരിക്കും. പാസ്റ്റർമാരായ ഏബ്രഹാം തോമസ്, ഫിന്നി ജേക്കബ്, എം.ജെ.ജോൺ, സാം കെ.ജേക്കബ് തുടങ്ങിയവർ ആശംസയറിയിക്കും.
പാസ്റ്റർമാരായ സജി ഫിലിപ്പ്, വി.കെ. തോമസ് തുടങ്ങിയവർ നേതൃത്വം നൽകും. വിവരങ്ങൾക്ക്: 9447455820, 9947829714
Advertisement
