ഒരുക്കങ്ങൾ അവസാന ഘട്ടത്തിൽ; പി.വൈ.പി.എ - ഗുഡ്‌ന്യൂസ് വീക്കിലി ഇന്റർ ക്രിസ്ത്യൻ ചർച്ച് മെഗാ ബൈബിൾ ക്വിസ് സെപ്റ്റം. 14ന്
പ്രായപരിധിയില്ല; ഇന്റർ ക്രിസ്ത്യൻ ചർച്ച് മെഗാ ബൈബിൾ ക്വിസിൽ നിങ്ങൾക്കും പങ്കെടുക്കാം...
ലക്ഷങ്ങളുടെ ക്യാഷ് പ്രൈസുമായി 'അറിവ് 2024'
ഒന്നാം സമ്മാനം ഒരു ലക്ഷം രണ്ടാം സമ്മാനം അര ലക്ഷം മൂന്നാം സമ്മാനം കാൽ ലക്ഷം
പി.വൈ.പി.എ - ഗുഡ്‌ന്യൂസ് വീക്കിലി ഇന്റർ ക്രിസ്ത്യൻ ചർച്ച് മെഗാ ബൈബിൾ ക്വിസ് സെപ്റ്റം. 14ന്; ഇപ്പോൾ രജിസ്ട്രേഷൻ ചെയ്യാം
കുമ്പനാട്: പി.വൈ.പി.എ കേരള സ്‌റ്റേറ്റും ഗുഡ്ന്യൂസും സംയുക്തമായി കേരളത്തിലെ ക്രൈസ്തവ സഭാ വിഭാഗങ്ങളെയെല്ലാം ഉൾപ്പെടുത്തിക്കൊണ്ട് 'അറിവ് 2024' എന്ന പേരിൽ ഇന്റർ ക്രിസ്ത്യൻ ചർച്ച് മെഗാ ബൈബിൾ ക്വിസ് സെപ്റ്റം. 14 ശനിയാഴ്ച കുമ്പനാട് ഹെബ്രോൻപുരത്ത് സംഘടിപ്പിക്കും. ഒന്നാം സമ്മാനം ഒരു ലക്ഷവും രണ്ടാം സമ്മാനം അര ലക്ഷവും മൂന്നാം സമ്മാനം കാൽ ലക്ഷവും, നാലും അഞ്ചും സ്ഥാനക്കാർക്ക് അയ്യായിരം രൂപ വീതവും ക്യാഷ് അവാർഡ് ഉണ്ടായിരിക്കും.
ഗ്രൂപ്പ് ബൈബിൾ ക്വിസിനുള്ള നിബന്ധനകൾ ഇവയാണ്
- ആവർത്തന പുസ്‌തകം, എസ്ഥേർ, ഇയ്യോബ്, ദാനിയേൽ, സെഖര്യാവ്, മർക്കോസ്, അപ്പോസ്‌തല പ്രവർത്തികൾ, എഫേസ്യർ, യാക്കോബ്, വെളിപ്പാട് എന്നീ പുസ്‌തകങ്ങളിൽ നിന്നുമാത്രമായിരിക്കും ചോദ്യങ്ങൾ.
- മലയാളം, ഇംഗ്ലീഷ് എന്നീ ഭാഷകളിൽ മാത്രമായിരിക്കും ചോദ്യങ്ങൾ
ബൈബിൾ സൊസൈറ്റി ഓഫ് ഇന്ത്യയുടെ മലയാളം ബൈബിളിൽ നിന്നും, NKJV വേർഷൻ ഇംഗ്ലീഷ് ബൈബിളിൽ നിന്നുമുള്ള ഉത്തരങ്ങൾ മാത്രമേ പരിഗണിക്കുകയുളളു. - ജഡ്ജസ് പാനലിൻ്റെയും, സംഘാടകരുടെയും തീരുമാനങ്ങൾ അന്തിമമായിരിക്കും.
- ഒരു സഭയിൽ/ഇടവകയിൽ നിന്നും രണ്ട് ടീമുകൾക്ക് പങ്കെടുക്കാം.
- ഒരു ടീമിൽ മൂന്ന് പേരിൽ കൂടാൻ പാടില്ല. കുറഞ്ഞത് രണ്ടു പേരെങ്കിലും ഉണ്ടായിരിക്കണം.
- ഒരു ടീമിൽ ഉൾപ്പെടുന്ന മത്സരാർത്ഥികൾ എല്ലാവരും ഒരു ലോക്കൽ സഭ/ഇടവകയിൽ നിന്ന് തന്നെ ഉള്ളവരായിരിക്കണം.
- മത്സരാർത്ഥികൾക്ക് പ്രായപരിധിയില്ല. 12 വയസ്സിനു മുകളിൽ പ്രായമുള്ള ആർക്കും പങ്കെടുക്കാം.
- എല്ലാ ക്രൈസ്തവ സഭാ/വിഭാഗങ്ങളിൽ ഉള്ളവർക്കും ഈ ക്വിസ് പ്രോഗ്രാമിൽ പങ്കെടുക്കാം.
- ഒരു ടീമിൻ്റെ രജിസ്ട്രേഷൻ ഫീസ് 300 രൂപയാണ്.
- മത്സരദിവസം രാവിലെ രജിസ്ട്രേഷൻ സമയത്ത് മത്സരാർത്ഥികളുടെ പ്രായം തെളിയിക്കുന്ന ഏതെങ്കിലും ഗവണ്മെൻ്റ് ഫോട്ടോ ഐ.ഡി. കാർഡിൻ്റെ കോപ്പിയും, ഒരു ടീമിലുള്ള മത്സരാർത്ഥികൾ എല്ലാവരും ഒരേ ലോക്കൽ സഭയിൽ / ഇടവകയിൽ നിന്നുമാണെന്നുള്ള പാസ്‌റ്ററുടെയോ / വികാരിയുടെയോ സാക്ഷ്യപത്രവും സമർപ്പിക്കേണ്ടതാണ്.
- പ്രോഗ്രാം ദിവസം എല്ലാവർക്കും ഉച്ചഭക്ഷണം സംഘാടകർ ക്രമീകരിക്കുന്നതാണ്
രജിസ്റ്റർ ചെയ്യുന്നതിനായി താഴെ ക്ലിക്ക് ചെയ്യുക : https://forms.gle/pTP4HzQQUZkaJuzGA
പെന്തെക്കോസ്‌ത് സഭ വിഭാഗങ്ങൾക്ക് പുറമെ ഇതര ക്രിസ്‌തീയ സഭകളിൽ നിന്നുമുള്ള പങ്കാളിത്തം മെഗാ ബൈബിൾ ക്വിസിനെ കൂടുതൽ വ്ത്യസ്‌ഥവും മനോഹരവുമാക്കുമെന്നും ക്രൈസ്തവ സമൂഹത്തിൽ വിവിധ മേഖലകളിൽ കഴിവുതെളിയിച്ച വേദപണ്‌ഡിതരായ വിധികർത്താക്കളുടെ നിര 'അറിവ് 2024' നെ കൂടുതൽ മികവുറ്റതാക്കുമെന്നും ഭാരവാഹികൾ പറഞ്ഞു.
മെഗാ ബൈബിൾ ക്വിസ് കോർഡിനേറ്റർമാരായി സജി മത്തായി കാതേട്ട് (ഗുഡ്‌ന്യൂസ്), ജോസി പ്ലാത്താനത്ത് (പി.വൈ.പി.എ) എന്നിവർ പ്രവർത്തിക്കും.
പി.വൈ.പി.എ സംസ്ഥാന ഭാരവാഹികളായ ഇവാ.ഷിബിൻ സാമുവേൽ, ജസ്റ്റിൻ നെടുവേലിൽ, ഇവാ. മോൻസി മാമ്മൻ, ബ്ലെസ്സൻ ബാബു, സന്ദീപ് വിളമ്പുകണ്ടം, ലിജോ സാമുവേൽ, ഷിബിൻ ഗിലെയാദ്, ബിബിൻ കല്ലുങ്കൽ എന്നിവർ നേതൃത്വം നൽകും.
കൂടുതൽ വിവരങ്ങൾക്ക്: 97470 59385, 9447372726, 9847622399
Advertisement
Advertisement
