ഷാലോം ചർച്ച് ഓഫ് ഗോഡ് സഭ സിൽവർ ജൂബിലി നിറവിൽ
മല്ലപ്പള്ളി: ചർച്ച് ഓഫ് ഗോഡ് ഇൻ ഇന്ത്യ കേരള സ്റ്റേറ്റ് കീഴ്വായ്പൂര് സഭയുടെ സിൽവർ ജൂബിലി പ്രാർത്ഥനാ സമ്മേളനം നവംബർ 24 ഞായർ വൈകുന്നേരം 5.30ന് ഷാലോം ചർച്ച് ഓഫ് ഗോഡ് ഹാളിൽ നടക്കും.
ചർച്ച് ഓഫ് ഗോഡ് കേരള സ്റ്റേറ്റ് മുൻ അസിസ്റ്റന്റ് ഓവർസിയർ പാസ്റ്റർ പി.ജി മാത്യൂസ് അധ്യക്ഷത വഹിക്കും. ആന്റോ ആന്റണി എം. പി, മാത്യു ടി. തോമസ് എംഎൽഎ എന്നിവർ മുഖ്യാതിഥികൾ ആയിരിക്കും.
ചർച്ച് ഓഫ് ഗോഡ് കേരള സ്റ്റേറ്റ് ഓവർസിയർ പാസ്റ്റർ വൈ.റെജി മുഖ്യസന്ദേശം നൽകും. മല്ലപ്പള്ളി ഗ്രാമപഞ്ചായത്ത് പ്രസിഡണ്ട് എസ്. വിദ്യാ മോൾ, സർക്കിൾ ഇൻസ്പെക്ടർ വിപിൻ ഗോപിനാഥ്, മല്ലപ്പള്ളി യുപിഎഫ് സെക്രട്ടറി പാസ്റ്റർ സാം പി. ജോസഫ്, ചർച്ച് ഓഫ് ഗോഡ് എജുക്കേഷൻ ഡയറക്ടർ ഡോ. ജയ്സൺ തോമസ്, പാസ്റ്റർ ബിനോയ്‌ മാത്യു (ഗുഡ്ന്യുസ് ) എന്നിവർ പ്രസംഗിക്കും. ഷാലോം ബാൻഡ് ഗാനശുശ്രൂഷ നടത്തും. പാസ്റ്റർ ബെന്നി ജോസഫ് നേതൃത്വം നൽകും.
