തൃശൂരിൽ സുവിശേഷറാലിയും മുറ്റത്തു കൺവെൻഷനും നവം. 23 ന്
വാർത്ത:പാസ്റ്റർ സാജൻ സഖറിയ
ഇരിങ്ങാലക്കുട: പിവൈപിഎ തൃശൂർ മേഖലയും ഐപിസി ഇരിങ്ങാലക്കുട സെന്റർ പിവൈപിഎയും സംയുക്തമായി നവം.23 ന് തൃശൂർ ജില്ലയുടെ വിവിധയിടങ്ങളിൽ സുവിശേഷ റാലിയും പരസ്യയോഗങ്ങളും നടക്കും.
രാവിലെ 8.30 നു തൃശൂർ പടവരട് സെന്റർ നിന്നും ആരംഭിക്കുന്ന റാലി തൃശൂർ ഈസ്റ്റ്‌ സെന്റർ മിനിസ്റ്റർ പാസ്റ്റർ മാത്യു ടി. തോമസ് ഉദ്ഘാടനം ചെയ്യും. പൂമല പിവൈപിഎ ക്വയർ ഗാനങ്ങൾ ആലപിക്കും.
തൃശൂർ ജില്ലയിലെ ദൈവദാസന്മാരും പിവൈപിഎ അംഗങ്ങളും പങ്കെടുക്കും. വൈകുന്നേരം 5.30 മുതൽ ഐപിസി ഹെബ്രോൻ പൂച്ചട്ടി സഭാങ്കണത്തിൽ മുറ്റത്തു കൺവെൻഷൻ നടക്കും ഐപിസി ഇരിങ്ങാലക്കുട സെന്റർ വൈസ് പ്രസിഡന്റ്‌ പാസ്റ്റർ എബ്രഹാം തോമസ് ഉദ്ഘാടനം ചെയ്യും.
മേഖല പ്രസിഡന്റ്‌ പാസ്റ്റർ സബിൻ ജോൺ ദൈവവചനം സംസാരിക്കും. പിവൈപിഎ ഗായകസംഘം ഗാനശുശ്രൂഷ നിർവഹിക്കും.
