മിഷണറി വി. നാഗൽ കീർത്തന അവാർഡ് പാസ്റ്റർ മത്തായി  സാംകുട്ടിയ്ക്ക് നല്കി

ചിക്കാഗോ: ക്രൈസ്തവ സാഹിത്യ അക്കാദമി പ്രഖ്യാപിച്ച മിഷനറി വി.നാഗൽ കീർത്തന അവാർഡ് പാസ്റ്റർ മത്തായി സാംകുട്ടി ചിക്കാഗോയിൽ നടന്ന ചടങ്ങിൽ ഏറ്റുവാങ്ങി. ചിക്കാഗോ ഗോസ്പൽ മീഡിയ അസോസിയേഷൻ സംഘടിപ്പിച്ച ചടങ്ങിൽ രക്ഷാധികാരി കെ എം ഈപ്പൻ അവാർഡ് സമ്മാനിച്ചു. സിജിഎം എ ജനറൽ സെക്രട്ടറി കുര്യൻ ഫിലിപ്പ് മംഗള പത്രം നൽകി. ജെയിംസ് ജോസഫ് അവാർഡ് ജേതാവിനെ പരിചയപ്പെടുത്തി. എഫ്പിസിസിയുടെ ഉപഹാരം കൺവീനർ ഡോ. വില്ലി ഏബ്രഹാം നൽകി. പ്രശസ്ത എഴുത്തുകാരൻ റവ. ജോർജ് മാത്യു പുതുപ്പള്ളി മുഖ്യാതിഥിയായിരുന്നു. സിജിഎംഎ പ്രസിഡന്റ് ഡോ അലക്സ് ടി. കോശി,വൈസ് പ്രസിഡന്റ് ഡോ ടൈറ്റസ് ഈപ്പൻ, ജോയിന്റ് സെക്രട്ടറി ഡോ ബിജു ചെറിയാൻ, ട്രഷറർ ജോൺസൺ ഉമ്മൻ എന്നിവർ പരിപാടിക്ക് നേതൃത്വം നൽകി.

ആത്മചൈതന്യം പകരുന്ന 150 പരം ഗാനങ്ങൾ ക്രൈസ്തവ ഗാനസാഹിത്യത്തിന് സമ്മാനിച്ച പാസ്റ്റർ മത്തായി സാംകുട്ടിയുടെ സംഭാവന വിലമതിക്കാനാവാത്തതാണെന്ന് സമ്മേളനം വിലയിരുത്തി. മുതിർന്ന പാസ്റ്റർമാരായ റവ പി.വി കുരുവിള, റവ.ജോസഫ് കെ ജോസഫ്, റവ.പിസി മാമൻ, റവ.ജോർജ് കെ സ്റ്റീഫൻസൺ എന്നിവർ വേദിയിൽ സന്നിഹിതരായിരുന്നു. ഐപിസി ഹെബ്രോൻ ഗോസ്പൽ സെന്ററിൽ ജനുവരി 18ന് നടന്ന സമ്മേളനത്തിൽ നിരവധി ദൈവദാസന്മാരും വിശ്വാസികളും പങ്കെടുത്തു. ക്രൈസ്തവ സാഹിത്യ അക്കാഡമിയുടെ പ്രസിഡണ്ടായി ടോണി ഡി. ചെവ്വൂക്കാരനും ജനറൽ സെക്രട്ടറിയായി സജി മത്തായി കാതേട്ടും പ്രവർത്തിക്കുന്നു

വാർത്ത: കുര്യൻ ഫിലിപ്പ്