കാൽ നൂറ്റാണ്ടിൻറെ നിറവിൽ ഐപിസി ജയോത്സവം വർഷിപ്പ് സെന്റർ; സിൽവർ ജൂബിലി കൺവൻഷൻ ഫെബ്രു. 10 ഇന്ന് മുതൽ

തിരുവനന്തപുരം: നാലാഞ്ചിറ ഐപിസി ജ‌യോത്സവം ചർച്ചിന്റെ രജത ജൂബിലി ആഘോഷങ്ങൾക്ക് തുടക്കമായി.  ഐപിസി കേരള സ്റ്റേറ്റ് ഇപ്പോഴത്തെ സെക്രട്ടറി പാസ്റ്റർ: ഡാനിയേൽ കൊന്നനിൽക്കുന്നതിൽ ശംഖുമുഖത്ത് ആരംഭിച ചെറിയ കൂടി വരവ് ഇന്ന് നൂറ്റമ്പതിൽപ്പരം കുടുംബങ്ങളുള്ള സഭയായി വളർന്ന് മാർച്ചിൽ ഇരുപത്തിഅഞ്ച് വർഷം പൂർത്തിയാക്കുകയാണ്.  

സഭയുടെ ഒരു വർഷം നീണ്ടു നിൽക്കുന്ന ജൂബിലി പരിപാടികൾക്ക് ജനുവരി 20-26 വരെ നടന്ന ഉപവാസ പ്രാർത്ഥനയോടെ തുടക്കമായി. ഈ മാസം 10 മുതൽ 16 വരെ നടക്കുന്ന ജുബിലി കൺവൻഷൻ, 15 ന് നടക്കുന്ന ജുബിലി സ്തോത്ര പ്രാത്ഥനാ സമ്മേളനം, ജീവകാരുണ്യ പ്രവർത്തനങ്ങൾ വിദ്യാർത്ഥി യുവജന സെമിനാർ , സിൽവർ ജൂബിലി സുവനീർ പ്രസിദ്ധീകരണം എന്നിങ്ങനെ വൈവിദ്ധ്യമാർന്ന പരിപാടികൾ ജുബിലി വർഷം നടത്തുന്നതാണ്.

ജൂബിലി കൺവൻഷനിൽ ഐപിസി കേരള സ്റ്റേറ്റ് പ്രസിഡണ്ട് പാ: കെസി തോമസ്സ്,  പാസ്റ്റർമാരായ: ബാബു ചെറിയാൻ, രാജു മേത്ര, ബി.മോനച്ചൻ , പി സി.  ചെറിയാൻ, സജു ചാത്തന്നൂർ കെ.ജെ , തോമസ്, റ്റി.ഡി.ബാബു, റജി ശാസ്താംകോട്ട, ഫെയത്ത് ബ്ലസ്സൻ , സാമുവൽ എം തോമസ്, എന്നിവർ വചന  ഘോഷണം നടത്തും. ഇവാ.ഇമ്മാനുവേൽ കെ.ബി, പാ: നിജീഷ് സത്യൻ, ജിസ്സൻ ആന്റണി, പ്രവീൺ യേശുദാസ് എന്നിവരുടെ നേതൃത്വത്തിൽ സംഗീത ശുശ്രൂഷ നടക്കും.

പതിനഞ്ച് ശനിയാഴ്ച രാവിലെ സഭാ സ്ഥാപകനും സീനിയർ പാസ്റ്ററുമായ ദാനിയേൽ കൊന്നനിൽക്കുന്നതിലിന്റെ അദ്ധ്യക്ഷതയിൽ നടക്കുന്ന ജൂബിലി സ്റ്റോത്ര പ്രാർത്ഥന സമ്മേളനം ഐപിസി കേരള സ്റ്ററ്റ് പ്രസിഡണ്ട് പാ: കെ സി തോമസ് ഉദ്ഘാടനം ചെയ്യും.

ആരോഗ്യ വകുപ്പുമന്ത്രി വീണാ ജോർജ്ജ് മുഖ്യാതിഥി  ആയിരിക്കും. ഐപിസി കേരള സ്റ്റേറ്റ് എക്സിക്യൂട്ടീവ്സ്,  ശശി തരൂർ M.P, എം.എൽ എ .മാരായ കടകംപള്ളി സുരേന്ദ്രൻ , V.K. പ്രശാന്ത് , മേയർ ആര്യാ രാജേന്ദ്രൻ , കൗൺസിലർ വനജ രാജേന്ദ്ര ബാബു , തിരുവനന്തപുരം മേഖലയിലെ സെന്റർ പാസ്റ്റർമാർ, കൗൺസിൽ അംഗങ്ങൾ എന്നിവർ പങ്കെടുക്കും.

ജുബിലിയോടനു ബന്ധിച്ച് സാധുക്കൾക്കായി ഭവന നിർമ്മാണം വിവാഹ ധനസഹായം ഇതര കർമ്മ പരിപാടികൾ എന്നിവയും ജൂബിലിവർഷത്തിൽ നടത്തുമെന്ന് പാ: ദാനിയേൽ കൊന്നനിൽക്കുന്നതിൽ അറിയിച്ചു.