2500-ാമത് ഗുഡ്ന്യൂസ് ഭവനം അടൂരിൽ
ഗുഡ്ന്യൂസ് ചാരിറ്റബിൾ & എഡ്യൂക്കേഷണൽ സൊസൈറ്റി പ്രവർത്തന പഥത്തിൽ പുതിയൊരു നാഴികക്കല്ല്
ചാരിറ്റബിൾ സൊസൈറ്റിയുമായി കൈകോർത്ത് ഐപിസി ഷാർജ വർഷിപ് സെന്റർ
നാലു പതിറ്റാണ്ടിലേറെയായി സമൂഹത്തിൽ ജീവകാരുണ്യ രംഗത്ത് ശ്രദ്ധേയമായ സംഭാവനകൾ ചെയ്യുന്ന ഗുഡ്ന്യൂസ് ചാരിറ്റബിൾ & എഡ്യൂക്കേഷണൽ സൊസൈറ്റിയുടെ സൗജന്യ പാർപ്പിടനിർമാണ പദ്ധതിയിൽ 2500-ാമത് ഭവനത്തിന്റെ തറക്കല്ലിടൽ ജൂലൈ 10ന് അടൂരിൽ നടന്നു. പ്രസ്തുത നിർമ്മാണത്തിനാവശ്യമായ സാമ്പത്തിക സഹായം നൽകുന്നത് പ്രവർത്തനത്തിൽ കാൽനൂറ്റാണ്ട് പിന്നിടുന്ന ഐ പിസി ഷാർജ വർഷിപ്പ് സെന്ററാണ്.
ഗുഡ്ന്യൂസ് ചാരിറ്റബിൾ സൊസൈറ്റി പ്രസിഡണ്ട് കുര്യൻ മാത്യു അധ്യക്ഷത വഹിച്ചു. ഐപിസി ഷാർജ വർഷിപ് സെന്റർ സീനിയർ പാസ്റ്റർ റവ. വിൽസൺ ജോസഫ് തറക്കല്ലിടൽ ശുശ്രൂഷ നിർവഹിച്ചു. ഗുഡ്ന്യൂസ് പബ്ലിഷർ ടി.എം. മാത്യു ആമുഖ പ്രഭാഷണം നടത്തി. പന്തളം തെക്കേക്കര ഗ്രാമ പഞ്ചായത്ത് പ്രസിഡണ്ട് എസ്. രാജേന്ദ്ര പ്രസാദ് പ്രസാദ്, പാസ്റ്റർ ബഞ്ചമിൻ വര്ഗീസ്, അടൂർ ഈസ്റ്റ് സെന്റർ ശുശ്രൂഷകൻ പാസ്റ്റർ തോമസ് മാത്യു, ഗുഡ്ന്യൂസ് എക്സിക്യൂട്ടീവ് എഡിറ്റർ സജി മത്തായി കാതേട്ട്, മേഴ്സി വിൽസൺ, സജി നടുവത്ര, പി.വി. രാജു (സെക്രട്ടറി, ഐപിസി ഷാർജ വർഷിപ് സെന്റർ), ഐപിസി ജനറൽ കൗൺസിൽ മെമ്പർ ബാബു അടൂർ, ഐപിസി സ്റ്റേറ്റ് കൗൺസിൽ അംഗം ജോസ് ജോൺ കായംകുളം, പാസ്റ്റർമാരായ ബിനു കൊന്നപ്പാറ, ബ്ലെസ്സൺ ജോൺ, ജോൺസൻ ബെന്നി, ജിജി ഗില്ഗാൽ, റോജൻ റാന്നി, അനിയൻകുഞ്ഞ് ചെടിയേത്ത്, ഷാജി സോളമൻ, ബിജു ടി. ഫിലിപ്പ്, സജി ടി. ഡാനിയേൽ,വി.എം ജോൺ എന്നിവർ ആശസകൾ അറിയിച്ചു. ഗുഡ്ന്യൂസ് ചാരിറ്റബിൾ സൊസൈറ്റി എക്സിക്യൂട്ടീവ് സെക്രട്ടറി സന്ദീപ് വിളമ്പുകണ്ടം യോഗനടപടികൾ നിയന്ത്രിച്ചു.
ഭവനരഹിതരായ ആയിരങ്ങളുടെ സ്വപ്നമാണ് നാളിതുവരെ ഗുഡ്ന്യൂസ് സൗജന്യ ഭവനപദ്ധതിയിലൂടെ സാക്ഷാത്കരിക്കപ്പെട്ടത്. അടൂർ ആനന്ദപള്ളി ചരുവിളയിൽ ജോർജ് വർഗീസ് ഗുഡ്ന്യൂസിനു ദാനമായി നൽകിയ 90 സെന്റ് സ്ഥലത്താണ് നിലവിൽ ഭവനനിർമ്മാണം പുരോഗമിക്കുന്നത്. അർഹരായ 21 കുടുംബങ്ങൾക്ക് സൗജന്യമായി പണിതു നൽകുന്ന പദ്ധതിയിൽ മൂന്നു വീടുകളുടെ നിർമാണം അവസാന ഘട്ടത്തിലാണ്. തുടർന്നുള്ള മൂന്നു വീടുകളുടെ പണി ഉടൻ ആരംഭിക്കും.
നിലവിൽ മാസംതോറും വിധവാ സഹായങ്ങൾ, വൈദ്യസഹായ ങ്ങൾ, പ്രൊഫഷണൽ സ്കോളർഷിപ്പുകൾ, വിദ്യാഭ്യാസ സഹായങ്ങൾ, വിവാഹസ ഹായങ്ങൾ, വാർധക്യപെൻഷനുകൾഉൾപ്പെടെ നിരവധി ജീവകാരുണ്യ പ്രവർത്തനങ്ങൾ സൊസൈറ്റി ചെയ് തുവരുന്നു. സ്വദേശത്തും വിദേശത്തു മുളള അനേകം വ്യക്തികളുടെയും, കുടുംബങ്ങളുടെയും, സഭകളുടെയും സഹായത്തോടെയാണ് ഇത്തരം പ്രവർത്തനങ്ങൾ നടക്കുന്നത്.
പെന്തെക്കോസ്ത് സമൂഹം ജീവ അകലം കാരുണ്യപ്രവർത്തങ്ങളോട് പാലിച്ചിരുന്ന കാലത്തു തുടങ്ങിയ ഗുഡ്ന്യൂസ് ജീവകാരുണ്യ പ്രവർത്തന ങ്ങൾക്ക് ആരംഭപ്രവർത്തകർ നൽകിയ അടിത്തറയും, കാത്തുസൂക്ഷിച്ച വിശ്വസതയുമാണ് ഇന്നും സമൂഹത്തിൽ ഇത്രയധികം സ്വീകാര്യത ലഭിക്കാൻ കാരണമായത്. സന്മനസുള്ളവരുടെ പിന്തുണയോടെ തുടർന്നും നിരവധി ആളുകളുടെ കണ്ണീരൊപ്പാൻ കഴിയുമെന്ന പ്രതീക്ഷയിലാണ് ഗുഡ്ന്യൂസ് ചാരിറ്റബിൾ സൊസൈറ്റി.
കൂടുതൽ ചിത്രങ്ങൾ
Advertisement
