യേശു മാത്രം ഏക രക്ഷകൻ; മറിയ സഹരക്ഷകയല്ല, പ്രഖ്യാപനവുമായി വത്തിക്കാൻ

വാർത്ത: മോൻസി മാമ്മൻ

വത്തിക്കാൻ: മറിയയുടെ രക്ഷാപ്രവർത്തനത്തിലെ പങ്കാളിത്തത്തെ വിവരിക്കുന്നതിന് "കോ-റിഡെംപ്ട്രിക്സ്" "സഹ രക്ഷക" എന്ന പദവി ഉചിതമായ മാർഗമല്ലെന്ന് പോപ്പിന്റെ വത്തിക്കാന്റെ ഓഫീസിൽ നിന്നിറക്കിയഔദ്യോഗിക പത്രക്കുറിപ്പ്.  

യേശു തന്റെ അമ്മയായ മറിയയിൽ നിന്ന് ജ്ഞാനവാക്കുകൾ കേട്ടിരിക്കാം, പക്ഷേ ലോകത്തെ ശിക്ഷയിൽ നിന്ന് രക്ഷിക്കാൻ മറിയ യേശുവിനെ സഹായിച്ചില്ലെന്ന് വത്തിക്കാൻ ഇറക്കിയ വിശദീകരണ കുറിപ്പിൽ പറയുന്നു.

ലിയോ പോപ്പ് അംഗീകരിച്ച പുതിയ ഉത്തരവിൽ , വത്തിക്കാന്റെ ഉന്നത സിദ്ധാന്ത ഓഫീസ് ലോകത്തിലെ 1.4 ബില്യൺ കത്തോലിക്കരോട് മറിയത്തെ ലോകത്തിന്റെ "സഹ-രക്ഷക" എന്ന് പരാമർശിക്കരുതെന്ന് നിർദ്ദേശിച്ചു. 

യേശു മാത്രമാണ് ലോക

രക്ഷകൻ എന്നും പുതിയ നിർദ്ദേശം പറയുന്നു. പതിറ്റാണ്ടുകളായി മുതിർന്ന സഭാ നേതാക്കളെ ആശയക്കുഴപ്പത്തിലാക്കിയ ഒരു ആന്തരിക ചർച്ചയ്ക്ക് ഇത് പരിഹാരമായി, കൂടാതെ സമീപകാല പോപ്പുകളിൽ അപൂർവമായ തുറന്ന അഭിപ്രായവ്യത്യാസത്തിന് പോലും ഇത് കാരണമായി.

മേരിക്ക് "സഹ-രക്ഷക" എന്ന പദവി നൽകുന്നതിനെ പരേതനായ ഫ്രാൻസിസ് മാർപ്പാപ്പയും ശക്തമായി എതിർത്തിരുന്നു, ഒരു ഘട്ടത്തിൽ ആ ആശയത്തെ "മണ്ടത്തരം" എന്ന് പോലും അദ്ദേഹം വിശേഷിപ്പിച്ചിരുന്നു.

ഫ്രാൻസിസിന്റെ മുൻഗാമിയായ ബെനഡിക്ട് പതിനാറാമനും ഈ പദവിയെ എതിർത്തിരുന്നു. എന്നാൽ അദ്ദേഹത്തിന്റെ മുൻഗാമിയായ ജോൺ പോൾ രണ്ടാമൻ മാർപാപ്പ ഇതിനെ പിന്തുണച്ചിരുന്നു, എന്നാൽ 1990 കളുടെ മധ്യത്തിൽ ഡോക്ട്രിനൽ ഓഫീസ് സംശയം പ്രകടിപ്പിക്കാൻ തുടങ്ങിയതിനുശേഷം, പദവി പരസ്യമായി ഉപയോഗിക്കുന്നത് നിർത്തി.

Advt.