യുവതിയുവാക്കളിൽ നവചൈതന്യം പകർന്ന് അയർലൻ്റിലെ യൂത്ത് ക്യാമ്പിനു അനുഗ്രഹ സമാപ്തി
കോർക്ക്: കോർക്ക് അയർലൻ്റ് എബനേസർ വർഷിപ്പ് സെൻ്ററിൻ്റെ ആഭിമുഖ്യത്തിൽ നടന്ന യൂത്ത് ക്യാമ്പിനു അനുഗ്രഹ സമാപ്തി. യുവതിയുവാക്കളിൽ നവചൈതന്യവും ആത്മീയ ഉണർവ്വും സമ്മാനിച്ച യൂത്ത് ക്യാമ്പ് ഏറെ പ്രത്യേകതയുള്ളതായിരുന്നു.
'മൈ കമ്പാനിയൻ' എന്നതായിരുന്നു ചിന്താവിഷയം. പാസ്റ്റർ റെനി വെസ്ളിയും ട്രാൻസ്ഫർമേഷൻ യൂറോപ്പും ക്ലാസുകൾക്കും വിവിധ പ്രോഗ്രാമുകൾക്കും നേതൃത്വം നല്കി.
ഈ ലോകജീവിതത്തിൽ യാത്രക്കാരായിരിക്കുന്ന ഓരോരുത്തരും പ്രതിസന്ധികളുടെ നടുവിൽ അടിപതറാതെ നിയുക്തമായിരിക്കുന്ന ഓരോ ഉത്തരവാദിത്വവും ഫലപ്രദമായും കൃതൃതയോടും നിർവഹിക്കണമെന്നും അതിനായി പരിശുദ്ധാതാവിൻ്റെ ഗൈഡസിനായി നിലകൊള്ളണമെന്നും ആഹ്വാനമുണ്ടായി. നിത്യതയിൽ കണക്ക് ബോധിപ്പിക്കുവാൻ നിൽക്കുമ്പോൾ പതറി പോകാതിരിക്കുവാൻ പരിശുദ്ധാത്മാവിനെ വ്യക്തികളുടെ മേലുള്ള കൃത്യനിർവഹണത്തെ പറ്റി ഓരോ സെഷനുകളിലും വ്യക്തമായി പകർന്നു കൊടുത്തു.
ഫാമിലികൾക്കും, ടീനേജേഴ്സ്, 13 വയസ്സിന് താഴെയുള്ള കുട്ടികൾ എന്നിവർക്കായി പ്രത്യേക സെഷനുകൾ ഉണ്ടായിരുന്നു.
പരിശുദ്ധാത്മാവിൽ നിറഞ്ഞ ഒരു ജീവിതത്തിൻറെ ആവശ്യകതയും ഈ തലമുറയിൽ ഓരോ വ്യക്തികളെയും കുറിച്ചുള്ള ദൈവീക പദ്ധതിയും തിരിച്ചറിഞ്ഞ് അതിനുവേണ്ടി അവർ എങ്ങനെ സ്വയം പര്യാപ്തപ്പെടണമെന്നും ഒരുങ്ങണമെന്നും പാരെന്റിങ്ങിൽ മാതാപിതാക്കൾ അഭിമുഖീകരിക്കുന്ന ക്രൈസിസ് പരിശുദ്ധാത്മാവിന്റെ സഹായത്താലും പ്രാർത്ഥനയാലും എങ്ങനെ തരണം ചെയ്യണമെന്നും പ്രസ്തുത സെഷനുകളിൽ പരിശീലനം നൽകി.
EWC യൂത്ത് സെക്രട്ടറിയായി ബ്രദർ ചാൾസ് മാത്യുവും ജോയിൻ സെക്രട്ടറിയായി. ബ്രദർ അനി സോളമനും പ്രവർത്തിക്കുന്നു. എബനേസർ വർഷിപ്പ് സെൻറർ സഭ പ്രവർത്തനങ്ങൾക്ക് പാസ്റ്റർ എം എം തോമസ്, പാസ്റ്റർ കെ.പി .ബിജുമോൻ എന്നിവർ നേതൃത്വം നൽകിവരുന്നു.
