ഐപിസി യു.കെ. & അയര്ലന്ഡ് റീജിയൻ വാര്ഷിക കണ്വന്ഷന് ഏപ്രില് 11 മുതല്; പാസ്റ്റര് ഷിബു തോമസ് മുഖ്യപ്രഭാഷകന്
കേംബ്രിഡ്ജ് : ഇന്ത്യാ പെന്തെക്കോസ്ത് ദൈവസഭ യുകെ ആന്ഡ് അയര്ലന്ഡ് റീജിയണ് 18-ാമത് വാര്ഷിക കണ്വന്ഷന് ഏപ്രില് 11 മുതല് 13 വരെ കേംബ്രിഡ്ജിലെ കാംബോണ് വില്ലേജ് കോളേജിൽ നടക്കും. ഉദ്ഘാടനം റീജിയണ് പ്രസിഡന്റ് പാസ്റ്റര് ജേക്കബ് ജോര്ജ് നിർവഹിക്കും. പാസ്റ്റര് ഷിബു തോമസ് ഒക്കലഹോമയാണു മുഖ്യ പ്രഭാഷകന്. സിസ്റ്റര് രേഷ്മ തോമസ് (ഐപിസി യുഎസ്എ മിഡ് വെസ്റ്റ് റീജിയണ് ലേഡീസ് ഫെലോഷിപ് സെക്രട്ടറി) സഹോദരി സമ്മേളനത്തിൽ സന്ദേശം നല്കും. ഐപിസി ജനറൽ സെക്രട്ടറി റവ.ഡോ. ബേബി വർഗീസ് മുഖ്യ അതിഥിയാണ്.
പാസ്റ്റേഴ്സ് മീറ്റിങ്, ബൈബിള് ക്ലാസുകള്, സണ്ടേസ്കൂള്, പിവൈപിഎ, വുമണ്സ് ഫെലോഷിപ് തുടങ്ങിയവയുടെ വാര്ഷിക യോഗങ്ങളും കണ്വന്ഷനോട് അനുബന്ധിച്ചു നടക്കും. എല്ലാ ദിവസവും വൈകിട്ട് 5 മുതല് രാത്രി 9.30 വരെ പൊതുസുവിശേഷ യോഗങ്ങളും നടക്കും. ഞായറാഴ്ച സംയുക്ത ആരാധനയുണ്ടാകും. റീജിയണ് ഗായകസംഘം സംഗീത ശുശ്രൂഷകള്ക്കു നേതൃത്വം നല്കും.
ഐ.പി.സി യുകെ ആന്ഡ് അയര്ലന്ഡ് റീജിയണ് വൈസ് പ്രസിഡന്റ് പാസ്റ്റര് വില്സണ് ബേബി, സെക്രട്ടറി പാസ്റ്റര് ഡിഗോള് ലൂയിസ്, ജോയിന്റ് സെക്രട്ടറിമാര് പാസ്റ്റര് വിനോദ് ജോര്ജ്, പാസ്റ്റര് മനോജ് ഏബ്രഹാം, ട്രഷറര് ജോണ് തോമസ്, പ്രമോഷണല് സെക്രട്ടറി പാസ്റ്റര് സീജോ ജോയി, അഡ്മിനിസ്ട്രേറ്റര് പാസ്റ്റര് പി.സി. സേവ്യര്, നോര്ത്തേണ് അയര്ലന്ഡ് കോഓര്ഡിനേറ്റര് തോമസ് മാത്യു എന്നിവരുടെ നേതൃത്വത്തില് കൺവൻഷന് നടത്തിപ്പിനു വിവിധ കമ്മറ്റികൾ പ്രവർത്തിച്ചു വരുന്നു.
യുകെയിലെ പ്രശസ്തമായ കേംബ്രിജ് പട്ടണത്തിൽ സ്ഥിതി ചെയ്യുന്ന മനോഹരമായ ഗ്രാമമാണു കാംബോണ്. (Cambourne Village College, CB23 6FR). പ്രവാസികളായ വിശ്വാസികളെ ആത്മീയ സംഗമത്തിലേയ്ക്കു സ്വാഗതം ചെയ്യുന്നതായി റീജിയണ് പ്രസിന്റ് പാസ്റ്റര് ജേക്കബ് ജോര്ജ് അറിയിച്ചു. യു.കെയിലും യൂറോപ്പിലുമായി പ്രവാസികളായ വിശ്വാസികള്ക്ക് ആത്മമാരിയുടെ സമയമായിരിക്കും കൺവെൻഷൻ ദിനങ്ങളെന്നു കണ്വീനര് പാസ്റ്റര് ജോര്ജ് തോമസ് പറഞ്ഞു.
Advertisement
