ക്രിസ്തുമതത്തിലേക്കും ഇസ്ലാമിലേക്കും പരിവർത്തനം ചെയ്തവർക്ക് പട്ടികജാതി പദവി നൽകേണ്ടതില്ലെന്ന് സുപ്രീം കോടതി

വാർത്ത: മോൻസി മാമ്മൻ തിരുവനന്തപുരം

ന്യൂഡൽഹി: ഹിന്ദുമതം, സിഖ് മതം, ബുദ്ധമതം എന്നിവയല്ലാതെ മറ്റൊരു മതം സ്വീകരിക്കുന്ന ഒരാളെ പട്ടികജാതി വിഭാഗത്തിൽ പെടുത്താൻ കഴിയില്ലെന്ന് സുപ്രീം കോടതി വിധിച്ചു.

ഒരു വ്യക്തി ക്രിസ്തുമതത്തിലേക്ക് പരിവർത്തനം ചെയ്യുകയും അത് സജീവമായി ആചരിക്കുകയും ചെയ്താൽ, അവരെ പട്ടികജാതി സമൂഹത്തിലെ അംഗമായി കണക്കാക്കാനാവില്ലെന്ന ആന്ധ്രാപ്രദേശ് ഹൈക്കോടതിയുടെ ഉത്തരവാണ് ഇന്ന് സുപ്രീം കോടതി ശരി വെച്ചത്. 

ക്രിസ്തുമതത്തിലേക്ക് പരിവർത്തനം ചെയ്യുകയും ആ വിശ്വാസം സജീവമായി ആചരിക്കുകയും ചെയ്യുന്ന വ്യക്തികൾക്ക് അവരുടെ പട്ടികജാതി (എസ്‌സി) പദവി നിലനിർത്താൻ കഴിയില്ലെന്ന് വിധിച്ച ആന്ധ്രാപ്രദേശ് ഹൈക്കോടതി ഉത്തരവ് ജസ്റ്റിസുമാരായ പി കെ മിശ്രയും എൻ വി അഞ്ജരിയയും അടങ്ങിയ ബെഞ്ച് ശരിവച്ചു.

1950 ലെ ഭരണഘടന (പട്ടികജാതി) ഉത്തരവിൽ ഈ നിലപാട് വ്യക്തമായി പറഞ്ഞിട്ടുണ്ടെന്നും അംഗീകാരത്തിനുള്ള തടസ്സം സമ്പൂർണ്ണമാണെന്നും സുപ്രീം കോടതി ചൂണ്ടി കാണിച്ചു.

മതപരിവർത്തനത്തിന് ശേഷം ജാതി സർട്ടിഫിക്കറ്റ് കൈവശം വയ്ക്കുകയോ റദ്ദാക്കാതിരിക്കുകയോ ചെയ്യുന്നത് കൊണ്ട് ഒരു വ്യക്തിക്ക് പട്ടികജാതി ആനുകൂല്യങ്ങൾ അവകാശപ്പെടാൻ അർഹതയില്ലെന്നും, അത്തരം പ്രശ്നങ്ങൾ ബന്ധപ്പെട്ട നിയമപ്രകാരം യോഗ്യതയുള്ള അധികാരി കൈകാര്യം ചെയ്യണമെന്നും കോടതി കൂട്ടിച്ചേർത്തു.

Advertisement