ജെ.ബി കോശി കമ്മീഷൻ റിപ്പോർട്ട് നടപ്പാക്കും: മുഖ്യമന്ത്രി
തിരുവനന്തപുരം: ക്രിസ്തീയ ന്യൂനപക്ഷങ്ങളുടെ പ്രശ്നങ്ങൾ പഠിക്കുന്നതിനായി നിയോഗിച്ച ജെ.ബി കോശി കമ്മീഷൻ റിപ്പോർട്ട് വിശദമായി പഠിച്ച് ശുപാർശകൾ നടപ്പാക്കുമെന്ന് മുഖ്യമന്ത്രി വി.ഡി സതീശൻ പ്രഖ്യാപിച്ചു. നിയമസഭയിൽ പുതുക്കിയ ബജറ്റിന്മേലുള്ള പൊതുചർച്ചയ്ക്ക് മറുപടി പറയവേയാണ് മുഖ്യമന്ത്രി ഇക്കാര്യം വ്യക്തമാക്കിയത്.
കേരളത്തിലെ ക്രൈസ്തവ ജനവിഭാഗങ്ങൾ അഭിമുഖീകരിക്കുന്ന വിവിധങ്ങളായ സാമൂഹിക-സാമ്പത്തിക പ്രശ്നങ്ങൾ പരിഹരിക്കാൻ സർക്കാർ പ്രതിജ്ഞാബദ്ധമാണെന്ന് മുഖ്യമന്ത്രി ഉറപ്പുനൽകി. റിപ്പോർട്ടിലെ നിർദ്ദേശങ്ങൾ പ്രായോഗിക തലത്തിൽ കൊണ്ടുവരുന്നതിനായി കൃത്യമായ പഠനവും തുടർനടപടികളും സ്വീകരിക്കും.
സംസ്ഥാനത്തെ ക്രിസ്ത്യൻ ജനവിഭാഗങ്ങളുടെ പിന്നാക്കാവസ്ഥ പഠിക്കാൻ കഴിഞ്ഞ സർക്കാർ നിയമിച്ച ജസ്റ്റിസ് ജെ. ബി. കോശി കമ്മീഷൻ സമർപ്പിച്ച റിപ്പോർട്ട് അടുത്തിടെയാണ് ഔദ്യോഗികമായി പ്രസിദ്ധീകരിച്ചത്. വിദ്യാഭ്യാസ ആനുകൂല്യങ്ങൾ, സാമ്പത്തിക സഹായങ്ങൾ, വിവിധ സർക്കാർ വകുപ്പുകളുമായി ബന്ധപ്പെട്ട ക്ഷേമപദ്ധതികൾ എന്നിവയുൾപ്പെടെയുള്ള 280-ലധികം ശുപാർശകളാണ് കമ്മീഷൻ മുന്നോട്ടുവെച്ചിട്ടുള്ളത്.
കമ്മീഷൻ റിപ്പോർട്ടിലെ ശുപാർശകൾ നടപ്പാക്കുന്നതിലൂടെ സംസ്ഥാനത്തെ ക്രൈസ്തവ സമൂഹത്തിലെ പിന്നാക്കം നിൽക്കുന്ന ജനവിഭാഗങ്ങൾക്ക് വലിയ തോതിൽ ആശ്വാസം ലഭിക്കുമെന്നാണ് പ്രതീക്ഷിക്കുന്നത്. ചർച്ചയിൽ ഉയർന്നുവന്ന വിവിധ നിർദ്ദേശങ്ങൾ കൂടി പരിഗണിച്ചുകൊണ്ട്, എല്ലാ വിഭാഗങ്ങളെയും ചേർത്തുനിർത്തിയുള്ള വികസന സമീപനമാകും സർക്കാർ സ്വീകരിക്കുകയെന്നും മുഖ്യമന്ത്രി കൂട്ടിച്ചേർത്തു.
വിവിധ ക്രൈസ്തവ സംഘടനകൾക്കൊപ്പം പെന്തെക്കോസ്തിലെ വിവിധ സഭാഐക്യ സംഘടനകളും സഭാനേതൃത്വങ്ങളും ജെ. ബി കോശി കമ്മീഷൻ റിപ്പോർട്ട് വിശദമായി പഠിച്ച് ശുപാർശകൾ നടപ്പാക്കണമെന്ന് ആവശ്യപ്പെട്ടിരുന്നു.
പിസിഐ, വിവിധ യുപിഎഫുകളുടെയും പാസ്റ്റേഴ്സ് ഫെലോഷിപ്പുകളുടെയും ആഗോള തലത്തിലുള്ള ഘടകമായ യുപിഎഫ് ഗ്ലോബൽ അലയൻസ്, ചർച്ച് ലീഡേഴ്സ് കൂട്ടായ്മ, കേരളത്തിലെ ഐപിസി, എ.ജി, ചർച്ച് ഓഫ് ഗോഡ് സഭാനേതൃത്വങ്ങളും ഈ ആവശ്യം ഉന്നയിച്ചിരുന്നു.
Advertisement
സിവിൽ എഞ്ചിനീറിംഗിൽ ഡിപ്ലോമയും കുറഞ്ഞത് രണ്ടു വർഷത്തെ പ്രവർത്തി പരിചയവും ഉള്ള സിവിൽ എന്ജിനീയേഴ്സിനെ ഒമാനിലേക്ക് അവിശ്യമുണ്ട്. GCC ഡ്രൈവിംഗ് ലൈൻസ് ഉള്ളവർക്ക് മുൻഗണന. Contact: +96891154584
Advertisement
