ആത്മധൈര്യത്തിൻ്റെ നിശ്ശബ്ദ ഭാഷയുമായി മെറിൻ ജി.ബാബു
ആത്മധൈര്യത്തിൻ്റെ നിശ്ശബ്ദ ഭാഷയുമായി മെറിൻ ജി.ബാബു
ചാക്കോ കെ തോമസ്, ബെംഗളൂരു
കൊട്ടാരക്കര: പോസ്റ്റ് ഓഫീസിൽ വരുന്നവരോട് ആംഗ്യഭാഷയിൽ കാര്യം പറഞ്ഞ് ചെറു പുഞ്ചിരിയോടെ ജോലി ചെയ്യുന്ന മെറിൻ ജി.ബാബു ആത്മവിശ്വാസത്തിന്റെ പോസ്റ്റ് വുമണും മെയിൽ പാക്കറുമാണ് നെല്ലിക്കുന്നുക്കാർക്ക് . ജന്മനാ ബധിരയും മൂകയുമായ മെറിൻ, കൊട്ടാരക്കര നെല്ലിക്കുന്ന് പോസ്റ്റ് ഓഫിസിൽ ജോലിയിൽ പ്രവേശിച്ചു ചുരുങ്ങിയ കാലം കൊണ്ടാണ് നാട്ടുകാർക്കു പ്രിയങ്കരിയായത്.
സംസാരിക്കാനോ കേൾ ക്കാനോ കഴിയാത്ത ഒരാൾ പോസ്റ്റ് ഓഫീസിൽ വരുന്ന ആളുകളുമായി നിരന്തരം ആശയവിനിമയം നടത്തേണ്ട ഒരു ജോലി എങ്ങനെ ചെയ്യുമെന്ന് എല്ലാവർക്കും ആശങ്കയു ണ്ടായിരുന്നു. എന്നാൽ, വളരെ പെട്ടെന്നു തന്നെ നാടും നാട്ടുകാരും മെറിന്റെ ഭാഷ പഠിച്ചു; വാത്സല്യം ചൊരിഞ്ഞു.
ദി പെന്തെക്കൊസ്ത് മിഷൻ കൊട്ടാരക്കര സെൻറർ സഭയുടെ പ്രാരംഭ കാല വിശ്വാസിയായിരുന്ന പരേതനായ നെല്ലിക്കുന്ന് ഗീവർച്ചായൻ്റെ കൊച്ചുമകളും കൊച്ചുചാമക്കാല വീട്ടിൽ ബാബു വർഗീസിന്റെയും അലക്സിബാബുവിന്റെയും രണ്ടാമത്തെ മകളുമാണ് മെറിൻ. തിരുവനന്തപുരം ഗവ.പോളി ടെക്നിക് കോളജിൽ നിന്നു കംപ്യൂ ട്ടർ സയൻസിൽ ബിരുദം നേടിയ ശേഷം അവിടെ ലാബ് അസിസ്റ്റന്റായി 3 വർഷം ജോലി ചെയ്തിരുന്നു. 2017 ൽ കൊല്ലം പരവൂർ സ്വദേശിയും ചാത്തന്നൂർ റ്റി.പി.എം സഭാംഗവുമായ എം.എസ്.പ്രീജിത്തിനെ വിവാഹം കഴിച്ചു. പ്രീജിത്തിനും സംസാരി ക്കാനോ കേൾക്കാനോ സാധിക്കില്ല. കോളജ് ജോലി ഉപേക്ഷിച്ച ശേഷം ഒരു വർഷം ഒരു സ്വകാര്യ ടെലികോം കമ്പനിയിലും മെറിൻ ജോലി ചെയ്തിരുന്നു. അതിനിടെയാണ് പോസ്റ്റ് വുമൺ ഒഴിവിലേക്ക് അപേക്ഷിച്ചത്.
ആലപ്പുഴ ജില്ലയിൽ മാരാരികുളം പോസ്റ്റ് ഓഫീസിലാണ് ആദ്യമായ് ജോലി ലഭിച്ചത്. ജോലിയിൽ പ്രവേശിച്ച് ആദ്യത്തെ ഒരു മാസം മെറിന്റെ അച്ഛനോ അമ്മയോ സഹോദരിയോ പ്രീജിത്തോ മെറിനു കൂട്ടു പോകുമായിരുന്നു. നാട്ടുകാർക്കെല്ലാം സു പരിചിതയായതോടെ പിന്നീട് ഒറ്റയ്ക്കായി തപാൽ വിതരണം.
ഭിന്നശേഷി ദിനമായ ഡിസംബർ 3ന് ഇന്ത്യാ തപാൽ വകുപ്പ് മെറിനെക്കുറിച്ചുള്ള ഡോക്യംമെൻ്ററി വീഡിയോ പ്രദർശിപ്പിച്ചിരുന്നു.
ആത്മീയ കാര്യങ്ങളിലും ഉത്സാഹിയായ മെറിൻ നല്ലൊരു ബാഡ്മിൻ്റൺ താരവും കലാകാരിയുമാണ്. മറ്റാരുടെയും സഹായമില്ലാതെ എല്ലാ കാര്യങ്ങളും ഇപ്പോൾ ചെയ്യുന്നത് ദൈവത്തിൻ്റെ കരുണയാണന്ന് മെറിൻ്റെ മാതാവ് ഗുഡ്ന്യൂസിനോട് പറഞ്ഞു.
കൊച്ചി ഇൻഫോ പാർക്കിലാണ് പ്രീജി ത്തിനു ജോലി. മകൻ: ഡാനി ഒന്നാം ക്ലാസ് വിദ്യാർഥി. ഡാനി സാധാരണ കുട്ടികളെ പോലെ സംസാരിക്കും . കൊട്ടാരക്കര കർമ്മേൽ റെസിഡൻഷ്യൽ പബ്ലിക് സ്കൂളിൽ ഒന്നാം ക്ലാസ് വിദ്യാർഥിയാണ്.
Advt.
Advt.
