ഇസ്രയേലിന് നേരെ വ്യമാക്രമണം അഴിച്ചുവിട്ടു ഇറാൻ
ദീപു ജോൺ, യുഎഇ
ഇസ്രയേലിൽ ഇന്ന് രാവിലെ ഇറാൻ ആക്രമണം തുടങ്ങി. ഇറാൻ്റെ സൈന്യവും മറ്റ് സഖ്യരാജ്യങ്ങളും ചേർന്ന് ഇസ്രയേലിനെ ആക്രമിച്ചതായാണ് റിപ്പോർട്ട്. ഇന്ത്യൻ സമയം പുലർച്ചെ രണ്ട് മണിയോടെയാണ് ആക്രമണം നടന്നത്. ആക്രമണം ഇസ്രായേലും സ്ഥിരീകരിച്ചു. പുതിയ സംഭവവികാസങ്ങളുടെ പശ്ചാത്തലത്തിൽ പ്രധാനമന്ത്രിയുടെ നേതൃത്വത്തിൽ പ്രത്യേക യോഗവും വിളിച്ചിട്ടുണ്ട്. ഇറാനിൽ നിന്നുള്ള വ്യോമാക്രമണം ഇസ്രായേൽ സൈന്യവും സ്ഥിരീകരിച്ചു.
ഇസ്രായേലിലുടനീളം സൈറണുകൾ മുഴങ്ങുകയും ജറുസലേമിന് മുകളിൽ വലിയ സ്ഫോടനങ്ങൾ കേൾക്കുകയും ചെയ്തു, ഇസ്രായേലിൻ്റെ വ്യോമ പ്രതിരോധ സംവിധാനങ്ങൾ നഗരത്തിന് മുകളിലുള്ള വസ്തുക്കളെ തകർത്തു.
ഇസ്രായേലിനെതിരായ ഇറാൻ്റെ ആക്രമണത്തെ യുഎൻ സെക്രട്ടറി ജനറൽ അൻ്റോണിയോ ഗുട്ടെറസ് ശക്തമായി അപലപിച്ചു. പ്രദേശത്തുടനീളം വിനാശകരമായ വർദ്ധനവിൻ്റെ സാധ്യതയെക്കുറിച്ച് ആഴത്തിലുള്ള ആശങ്ക പ്രകടിപ്പിച്ചുകൊണ്ട് ശത്രുത അവസാനിപ്പിക്കാൻ ഗുട്ടെറസ് ആഹ്വാനം ചെയ്തു.
ഡമാസ്കസിലെ നയതന്ത്ര കേന്ദ്രങ്ങൾക്ക് നേരെ ഇസ്രായേൽ നടത്തിയ ആക്രമണത്തിന് മറുപടിയായാണ് ഞായറാഴ്ച പുലർച്ചെ ആക്രമണമെന്ന് ന്യൂയോർക്കിലെ ഐക്യരാഷ്ട്രസഭയിലെ ഇറാൻ്റെ സ്ഥിരം പ്രതിനിധി പറഞ്ഞു. 'നിർദ്ദിഷ്ട ലക്ഷ്യങ്ങൾ' ലക്ഷ്യമിട്ടായിരുന്നു ആക്രമണമെന്ന് ഇറാൻ്റെ ഇസ്ലാമിക് റെവല്യൂഷൻ ഗാർഡ്സ് കോർപ്സ് (ഐആർജിസി) പറഞ്ഞു.
ഇസ്രയേലിന് അമേരിക്ക പിന്തുണ പ്രഖ്യാപിച്ചിട്ടുണ്ട്. ഇതിനെ തുടർന്ന് ഗൾഫ് രാജ്യങ്ങളും ഭീതിയിൽ ആണ്.
