ഐപിസി ബെംഗളുരു സെന്റർ വൺ കൺവൻഷന് അനുഗ്രഹീത സമാപനം

ബെംഗളുരു:  ഇന്ത്യാ പെന്തെക്കോസ്ത് ദൈവസഭ (ഐപിസി) ബെംഗളുരു സെന്റർ വൺ 19-മത് വാർഷിക കൺവൻഷൻ
ഹൊറമാവ് അഗര ഐ പി സി ഹെഡ്ക്വാർട്ടേഴ്സ് ഓഡിറ്റോറിയത്തിൽ സമാപിച്ചു.
പാസ്റ്റർ ടി.എസ്.മാത്യൂസ് അധ്യക്ഷനായിരുന്നു.
ഐപിസി കർണാടക സ്റ്റേറ്റ് സെക്രട്ടറി വർഗീസ് മാത്യൂ,  ഐപിസി മുൻ ജനറൽ സെക്രട്ടറി  പാസ്റ്റർ.സാം ജോർജ്, ഐപിസി കർണാടക പ്രസിഡൻ്റ് പാസ്റ്റർ.ഡോ.വർഗീസ് ഫിലിപ്പ് എന്നിവർ സമാപന ദിന സംയുക്ത ആരാധനയിൽ പ്രസംഗിച്ചു. തിരുവത്താഴ ശുശ്രൂഷയ്ക്ക് പാസ്റ്റർ.ഡോ.വർഗീസ് ഫിലിപ്പ് നേതൃത്വം നൽകി.

കൺവെൻഷനിൽ പൊതുയോഗം,
സോദരി സമാജം സമ്മേളനം ,സൺഡെസ്കൂൾ  പി.വൈ.പി.എ വാർഷിക സമ്മേളനം , സംഗീത ശുശ്രൂഷ, സുവിശേഷയോഗം എന്നിവ നടത്തി. 
ഡിസ്ട്രിക്റ്റ് ക്വയർ ഗാനശുശ്രൂഷ നിർവഹിച്ചു.  സെന്റർ വൺ ഐ പി സി യുടെ കീഴിലുള്ള 23 പ്രാദേശിക സഭകളിലെ ശുശ്രൂഷകരും വിശ്വാസികളും സംയുക്ത ആരാധനയിൽ പങ്കെടുത്തു.  

പാസ്റ്റർ ജോർജ് ഏബ്രഹാം (ജനറൽ കൺവീനർ), പാസ്റ്റർ ടി.എസ്.മാത്യൂ (സെൻ്റർ സെക്രട്ടറി), പാസ്റ്റർ സാം മാത്യൂ ( പബ്ലിസിറ്റി കൺവീനർ)  എന്നിവർ കൺവൻഷന് നേതൃത്വം നൽകി.

Advt.