ഐപിസി സൺഡേസ്ക്കൂൾ മേഖല അർദ്ധവാർഷിക പരീക്ഷ ജൂൺ 30 ന്
![ഐപിസി സൺഡേസ്ക്കൂൾ മേഖല അർദ്ധവാർഷിക പരീക്ഷ ജൂൺ 30 ന്](https://onlinegoodnews.com/uploads/images/202406/image_750x_667f9eb9e246e.jpg)
കുമ്പനാട്: ഐപിസി സൺഡേസ്ക്കൂൾ മേഖല അർദ്ധവാർഷിക പരീക്ഷ ജൂൺ 30 ന് ഞായറാഴ്ച്ച രാവിലെ 8.30 മുതൽ 9.30 വരെ പ്രാദേശിക സൺഡേസ്കൂളുകൾ ക്രമികരിക്കുന്ന പരീക്ഷാകേന്ദ്രങ്ങളിൽ നടക്കും.
പകുതി പാഠങ്ങളിൽ നിന്നാകും ചോദ്യങ്ങൾ. സെൻ്ററിൽ നിന്നും നിയമിക്കുന്ന എക്സാമിനേഴ്സിൻ്റെ ചുമതലയിൽ പരീക്ഷ നടക്കുമെന്ന് മേഖല പ്രസിഡൻ്റ് ജോജി ഐപ്പ് മാത്യൂസ്, സെക്രട്ടറി പി.പി.ജോൺ, പരീക്ഷ കൺട്രോളർ പാസ്റ്റർ ജോസ് വർഗീസ് എന്നിവർ അറിയിച്ചു. ഉത്തരക്കടലാസുകളുടെ മൂല്യനിർണ്ണയം ജൂലൈ 3ന് തിരുവല്ല ഐപിസി പ്രെയർ സെൻ്റർ ഹാളിൽ നടക്കും.
മേഖല സൺഡേസ്കൂൾദിനത്തോടനുബന്ധിച്ച് ശേഖരിച്ച സ്തോത്രകാഴ്ച്ച ട്രഷററെ ഏൽപ്പിക്കണമെന്നും ഭാരവാഹികൾ അറിയിച്ചു.
ഫോൺ: 9526366370