മിഷനറി അനെറ്റ് ജാക്സൺ(90) അന്തരിച്ചു

Dec 21, 2025 - 14:35 Updated: Dec 21, 2025 - 14:57

240

വാർത്ത: മോൻസി മാമ്മൻ തിരുവനന്തപുരം

ഫെയ്ത്ത് കമ്മ്സ് ബൈ ഹിയറിംഗ് (Faith Comes By Hearing) എന്ന അന്താരാഷ്ട്ര സംഘടനയുടെ സഹസ്ഥാപകയായിരുന്നു

ന്യൂ മെക്സിക്കോ: അന്തർദേശീയ തലത്തിൽ അറിയപ്പെടുന്ന പ്രസിദ്ധ സുവിശേഷ സംഘടനയായ Faith Comes By Hearing - ൻ്റെ സഹസ്ഥാപക അനെറ്റ് ജാക്സൺ (90) ഡിസംബർ 20-ന് അന്തരിച്ചു.

1972-ൽ അനെറ്റ് ജാക്സണും ഭർത്താവ് ജെറി ജാക്സണും ചേർന്ന് ഹോസന്ന എന്ന പേരിൽ ആരംഭിച്ച ഈ സംരംഭം ആദ്യത്തെ ക്രിസ്തീയ ഓഡിയോ ടേപ്പ് ഗ്രന്ഥശാലയായാണ് പ്രവർത്തിച്ചിരുന്നത്. ലോകജനസംഖ്യയിലെ വലിയൊരു വിഭാഗം ആളുകൾ വായനാസാമർത്ഥ്യമില്ലാത്തവരാണെന്ന തിരിച്ചറിവാണ് ഇവരുടെ ക്രിസ്തീയ ശുശ്രൂഷയുടെ ദിശ നിർണായകമായി മാറ്റിയത്. ഇതിന്റെ ഭാഗമായി, ആളുകളുടെ മാതൃഭാഷയിൽ (ഹൃദയഭാഷയിൽ) സൗജന്യമായി ഓഡിയോ ബൈബിൾ ലഭ്യമാക്കുക എന്ന ദൗത്യമാണ് അവർ സ്വീകരിച്ചത്.

അനെറ്റ് ജാക്സണും ഭർത്താവ് ജെറി ജാക്സണും

പ്രസിദ്ധിയിലൂടെയോ വ്യക്തിഗത അംഗീകാരങ്ങളിലൂടെയോ അല്ല, മറിച്ച് ആഴമുള്ള വിശ്വാസജീവിതം, നിശ്ശബ്ദമായ ധൈര്യം, ദൈവവചനം കേൾക്കുന്നതിനിലൂടെ അനേകം ജീവിതങ്ങളിൽ ഉണ്ടായ ആത്മീയ മാറ്റങ്ങൾ എന്നിവയിലൂടെയാണ് അനെറ്റ് ജാക്സണിന്റെ പൈതൃകം രേഖപ്പെടുത്തപ്പെടുന്നത്. ഇന്ന് Faith Comes By Hearing എന്ന പേരിൽ അറിയപ്പെടുന്ന ഈ സംഘടന ലോകമെമ്പാടും 2,300-ത്തിലധികം ഭാഷകളിൽ ഓഡിയോ ബൈബിളുകൾ വിതരണം ചെയ്തിട്ടുണ്ട്.

മിഷനറിമാരായ ജെറി ജാക്സനെയും അനെറ്റിനെയും വിക്ലിഫ് ഇന്ത്യാ സിഇഒ സുവി. സാം കൊണ്ടാഴി 2022-ൽ സന്ദർശിച്ചപ്പോൾ