അങ്കമാലി കറുകുറ്റി മാമ്പ്ര തെക്കേപ്പുറത്ത് ജോർജ് തോമസ് ( ജിജു-60) കർതൃസന്നിധിയിൽ
അങ്കമാലി: കറുകുറ്റി മാമ്പ്ര തെക്കേപ്പുറത്ത് ശാലോം വീട്ടിൽ ജോർജ് തോമസ് ( ജിജു -60) നിര്യാതനായി. മൃതദേഹം ശനിയാഴ്ച രാവിലെ 7 ന് വീട്ടിൽ കൊണ്ടു വന്ന് 12 ന് അങ്കമാലി സിറ്റി ചർച്ച് സഭയുടെ കൊരട്ടി സെമിത്തേരിയിൽ.
കാക്കനാട് ഡൗൺളിൻ ഹെൽത്ത് കെയർ മെഡിക്കൽ ട്രാൻസ്ക്രിപ്ഷൻ എഡിറ്ററായിരുന്നു.
ചെങ്ങന്നൂർ ഐ ടി ജംഗ്ഷനിൽ താമസിച്ചിരുന്ന തെക്കേപ്പുറത്ത് പരേതരായ കെ.ജി.തോമസ് -ഏലിയാമ്മ ദമ്പതികളുടെ മകനാണ്.
പഴഞ്ഞി പുലിക്കോട്ടിൽ പരേതനായ പാസ്റ്റർ പി.വി. ചുമ്മാറിന്റെ മകൾ ബെക്കിയാണ് ഭാര്യ. മന്ന ചീഫ് എഡിറ്റർ പി.സി.ഗ്ലെന്നി, ഗുഡ്ന്യൂസ് റിപ്പോർട്ടർ പി.സി.ഡെന്നി എന്നിവർ ബെക്കിയുടെ സഹോദരന്മാരാണ്.
ഏക മകൾ ജോഹന്ന എൽസാ.
