ഐ.പി.സി ബാംഗ്ലൂർ നോർത്ത് സെന്റർ കൺവൻഷൻ സമാപിച്ചു
ബെംഗളുരു: ഐ.പി.സി ബംഗളുരു നോർത്ത് സെന്റർ വാർഷിക കൺവൻഷൻ എം എസ് പാളയ കളത്തൂർ ഗാർഡൻസിന് സമീപം കിംങ്ങ്സ് ഫാം ഓഡിറ്റോറിയത്തിൽ സമാപിച്ചു. പാസ്റ്റർ ബാബു ചെറിയാൻ (പിറവം) സമാപന ദിനരാത്രി യോഗത്താൽ പ്രസംഗിച്ചു. പാസ്റ്റർ എം.ഡി.വർഗീസ് അധ്യക്ഷനായിരുന്നു.
നാല് ദിവസമായ് നടന്ന കൺവെൻഷനിൽ പാസ്റ്റർമാരായ അനീഷ് തോമസ് (റാന്നി), പാസ്റ്റർ ഡോ. വർഗീസ് ഫിലിപ്പ് (ബാംഗ്ലൂർ) , പാസ്റ്റർ എൻ.സി.ഫിലിപ്പ് എന്നിവർ പ്രസംഗിച്ചു. ഡിസ്ട്രിക്റ്റ് പി.വൈ.പി.എ ക്വയർ ഗാനശുശ്രൂഷ നിർവഹിച്ചു.
കൺവെൻഷനിൽ ഉണർവ് യോഗം, പി വൈ പി എ , സൺഡെസ്ക്കൂൾ വാർഷിക സമ്മേളനം എന്നിവ നടത്തി. പാസ്റ്റർമാരായ എൻ.സി.ഫിലിപ്പ് (പ്രസിഡന്റ്), ലാൻസൺ പി.മത്തായി (സെക്രട്ടറി), എം.ഡി.വർഗീസ് (പബ്ലിസിറ്റി കൺവീനർ)എന്നിവർ കൺവൻഷന് നേതൃത്വം നൽകി.
