പുതിയ തുടക്കം... കുഞ്ഞുങ്ങൾക്കും... നമുക്കും !!!
സ്നേഹത്താൽ കുട്ടികളും മാതാപിതാക്കളും ഒരുമിച്ചു കൈപിടിച്ച് മുന്നോട്ട് പോകേണ്ട സമയം...
ജൂൺ മാസം വന്നെത്തിയിരിക്കുന്നു...... വിദ്യാലയങ്ങളുടെ കാവാടങ്ങൾ വീണ്ടും തുറക്കുന്നു....
മഴത്തുള്ളികൾക്കൊപ്പം കുട്ടികളുടെ ആരാവങ്ങളും വിദ്യാലയങ്ങൾ നിറയ്ക്കുന്നു.. സ്കൂൾ ബസുകൾ വീണ്ടും റോഡുകളിലിറങ്ങുമ്പോൾ, ഒരു പുതിയ വിദ്യാഭ്യാസ വർഷത്തിന്റെ തുടക്കം തന്നെയാണ് അത്. ഈ അവസരം കുട്ടികൾക്കും മാതാപിതാക്കൾക്കും ഒരുപോലെ ഒരുക്കത്തിൻറെ സമയമാണ്.
വളരെ ശ്രദ്ധയോടെ സമീപിക്കേണ്ടതായ കാര്യങ്ങളാണ് ഓരോ കുടുംബത്തിനും മുന്നിൽ നിൽക്കുന്നത്.
ഒന്നാംക്ലാസിലേക്ക് ആദ്യമായി കാൽവെയ്ക്കുന്ന കുഞ്ഞുങ്ങളിൽ നിന്നും പത്താംക്ലാസിലെ ആത്മവിശ്വാസമുള്ള ബാലന്മാരിലേക്കും, എല്ലാവർക്കും ഒരേ പോലെ ഇതൊരു പുതിയ തുടക്കമാണ്.
ഈ ആരംഭം... കുട്ടികളെ പോലെ, മാതാപിതാക്കളും ഏറെ കാര്യങ്ങൾ ഓർക്കേണ്ട സമയമാണ്.
നല്ല പഠനം, നല്ല സ്വഭാവം, ആരോഗ്യകരമായ ശീലങ്ങൾ – എന്നിവക്കൊപ്പം മനസ്സിന്റെ സമാധാനവും സന്തോഷവുമാണ് വളരേണ്ടത്.
കുട്ടികൾ ശ്രദ്ധിക്കേണ്ട ചില കാര്യങ്ങൾ:
- മനസ്സിനും ശരീരത്തിനും ഒരുക്കം :
ക്ലാസ്സുകൾ ആരംഭിക്കുമ്ബോൾ കുട്ടികൾക്ക് കൂടുതൽ സമയം തുറന്ന മനസ്സും, ഉന്മേഷമുള്ള ശരീരവുമാകണം. പ്രാഥമിക ഘട്ടങ്ങളിൽ വരാവുന്ന ക്ഷീണവും തോന്നുന്ന ഉന്മനസ്കതയും സാധാരണമാണ്, എന്നാല് ചെറിയ വ്യായാമവും നല്ല ഉറക്കവും ഇവയ്ക്ക് പരിഹാരമാകും. - പഠനോപകരണങ്ങൾ ഒരുക്കുക : പാഠപുസ്തകങ്ങൾ, കുറിപ്പുപുസ്തകങ്ങൾ, പേനകൾ, പേപ്പറുകൾ എന്നിവ മുൻകൂട്ടി ഒരുക്കുക. ഓരോ ദിവസത്തിനുമുള്ള timetable അനുസരിച്ച് ബാഗിലാക്കുന്നത് ശീലമാക്കുക.
- ശുചിത്വവും ആരോഗ്യവും : ശരിയായി ഇസ്തിരിയിട്ട ഡ്രസും, വൃത്തിയുള്ള പാദരക്ഷകളും, തത്പരമായ വ്യക്തിഗത ശുചിത്വവും കുട്ടികൾ പാലിക്കേണ്ടത് അനിവാര്യമാണ്. ആരോഗ്യത്തെ പറ്റി ശ്രദ്ധിക്കൂകയും മഴക്കാലമായതിനാൽ തണുപ്പും പനിയുമൊക്കെയുണ്ട് എന്ന് മനസിലാക്കി സ്വയം സംരക്ഷികുകെയും, ചുറ്റിനുമുള്ളവർക്ക് നാം മുഖേന ബുദ്ധിമുട്ടുകൾ ഇല്ലെന്നു ഉറപ്പു വരുത്തേണ്ടതുമാണ്.
- പാഠത്തിനും ജീവിതത്തിനും ഒരേ തുല്യത കൊടുക്കണം: പാഠപുസ്തകങ്ങൾ പഠിക്കുക, പക്ഷേ അതിനൊപ്പം സുഹൃത്തുക്കളെ പ്രീതിയോടെ സമീപിക്കുക, കളിയിൽ പങ്കെടുക്കുക, അധ്യാപകരോട് ആദരം പുലർത്തുക – ഇവയെല്ലാം കുട്ടികൾ പഠിക്കേണ്ടത് സമകാലികമാണ്.
- ശരിയായ സമയക്രമം പാലിക്കൂ : ഉറക്കം, ഭക്ഷണം, പഠനം, കളി – ഇവയ്ക്കെല്ലാം ഒരേ പോലെ സമയം നല്കുക. സമയപാലനമെന്നത് വിജയത്തിലേക്ക് കുട്ടികളെ നയിക്കുന്ന വലിയ പാതയാണ്.
- പഠനത്തിൽ ആസ്വാദനം കണ്ടെത്തുക : സ്കൂളെന്നത് വെറും പാഠപുസ്തകങ്ങൾ വായിക്കുന്നതല്ല. ആക്റ്റിവിറ്റികൾ, സൗഹൃദങ്ങൾ, അറിവുകളുടെ ലോകം എന്നിവയെ ആസ്വദിക്കാൻ കുട്ടികൾ താല്പര്യപ്പെടേണ്ടതാണ്.
- നാളെയെ കുറിച്ച് സ്വപ്നം കാണൂ : സ്കൂൾ ജീവിതം വലിയൊരു സ്വപ്നത്തിന്റെ തുടക്കമാണ്. നാളെയൊരു ഡോക്ടറാവാനോ, അധ്യാപകനാവാനോ, ശാസ്ത്രജ്ഞനാവാനോ ആഗ്രഹിക്കുന്ന കുട്ടികൾ, ഇന്നത്തെ ഓരോ ദിവസവും ആത്മാർത്ഥമായി ചെലവഴിക്കണം.
മാതാപിതാക്കൾ – ശ്രദ്ധിക്കേണ്ട കാര്യങ്ങൾ:
- പ്രോത്സാഹനം നൽകുക, സമ്മർദ്ദമല്ല :
മക്കൾക്ക് വലിയ വിജയങ്ങൾ വേണമെങ്കിൽ ആദ്യം വേണ്ടത് അവരുടെ ആത്മവിശ്വാസമാണ്. നിങ്ങൾ അവരുടെ ആദ്യ അധ്യാപകരാണ്. സന്തോഷത്തോടെ പഠിക്കാൻ സഹായിക്കുക. - കുട്ടികളുമായി സംസാരിക്കൂ : ദിവസം എങ്ങനെയായിരുന്നുവെന്ന് ചോദിക്കുക. അവർ അനുഭവിക്കുന്ന ചെറിയ സന്തോഷങ്ങളും പ്രശ്നങ്ങളും കേൾക്കുക. അതിലൂടെ അവരുടെ മനസ്സിലേക്ക് കടക്കാം. നമ്മുടെ മക്കളുടെ സുഹൃത്തുക്കളെ പറ്റി ആരാഞ്ഞറിയുക.... നല്ല സൗഹൃദങ്ങൾ ഉണ്ടെങ്കിൽ മാത്രമേ നല്ല വ്യക്തിത്വങ്ങൾ ആയി അവരും വളരു...
- സ്കൂൾ അധ്യാപകരുമായി സഹകരിക്കൂ : അധ്യാപകരും മാതാപിതാക്കളും ഒരുമിച്ച് നിൽക്കുമ്പോഴാണ് കുട്ടിയുടെ വളർച്ച സമ്പൂർണ്ണമാകുന്നത്. പ്രധാന ദിവസങ്ങളിൽ പങ്കെടുക്കുക, കുട്ടിയുടെ പുരോഗതി അറിയുക, വിലയിരുത്തുക....
- ഓൺലൈൻ ഉപയോഗം ശ്രദ്ധയോടെ നിയന്ത്രിക്കുക : ഡിജിറ്റൽ ലോകം അനിവാര്യമായ കാലമാണിത്. പക്ഷേ അതിന്റെ ഉപയോഗം പരിധിയുള്ളതുമായിരിക്കണം. ഓൺലൈൻ പഠനവും ഡിജിറ്റൽ ഉപകരണങ്ങളും ഇന്നത്തെ വിദ്യാഭ്യാസത്തിന്റെ ഭാഗമാണ്. എന്നാല് അതിന്റെ ഉപയോഗം നിയന്ത്രിച്ച്, സുരക്ഷ ഉറപ്പാക്കണം.
- ശീലങ്ങൾ രൂപപ്പെടുത്തൽ: ദിവസചട്ടങ്ങൾ നിർമിച്ച് ദിവസങ്ങളിലുടനീളം കുട്ടികളെ കൃത്യതയിലേക്ക് നയിക്കുക. ഉറക്ക സമയം, പഠന സമയം, വിനോദം, ഭക്ഷണം തുടങ്ങിയവയ്ക്ക് ശരിയായ പരിധിയുണ്ടാകണം.
സ്നേഹത്തിന്റെ കിളിവാതിൽ തുറക്കുമ്പോൾ...
പുതിയ അധ്യായങ്ങൾ തുടങ്ങുമ്പോൾ... നമ്മുടെ കുട്ടികൾക്കായി നാം തുറക്കേണ്ടത് സ്നേഹത്തിന്റെ വാതിലുകളാണ്.
അവർക്ക് പ്രതീക്ഷ നൽകുക, ആത്മവിശ്വാസം നൽകുക, പാഠപുസ്തകങ്ങൾക്ക് പുറത്ത് ജീവിതപാഠങ്ങളും പഠിപ്പിക്കുക.
ഓരോ കുഞ്ഞിലും വളരെ വലിയ ഭാവിയുണ്ട് – അതു വളരാൻ വേണ്ടത് നമ്മുടെയൊരു കൈപിടിയാത്ര മാത്രമാണ്.
"വിജയിച്ചവരാണ് കുട്ടികൾ എന്നല്ല, സന്തോഷത്തോടെ വളരുന്നവരാണ് വിജയികൾ!"
പുതിയ സ്കൂൾ വർഷം എല്ലായ്പ്പോഴും പുതിയ പ്രതീക്ഷകളെയും സ്വപ്നങ്ങളെയും കുറിച്ചുള്ളതാണ്. കുട്ടികൾക്ക് മികച്ചൊരു വിദ്യാഭ്യാസമാവാൻ മാതാപിതാക്കളും അധ്യാപകരും കൈകോർത്താൽ മാത്രമേ അത് സാധ്യമാകൂ. പഠനത്തിൽ മാത്രം അല്ല, ജീവിതത്തിൽ വിജയിക്കാൻ ആവശ്യമായ മൂല്യങ്ങൾ വളർത്തിയെടുക്കുന്നതിനും ഈ വർഷം വഴിയൊരുക്കട്ടെ....
