കുവൈറ്റ്‌ റ്റൗൺ മലയാളീ ക്രിസ്ത്യൻ കോൺഗ്രിഗേഷൻ (കെറ്റിഎംസിസി) സ്വദേശ സമ്മേളനം ജൂലൈ 19ന് ചെങ്ങന്നൂരിൽ
ചെങ്ങന്നൂർ : കുവൈറ്റിൽ നിന്നും സ്ഥിര താമസത്തിന് നാട്ടിൽ എത്തിയ മുൻകാല പ്രവർത്തകരും അവധിക്ക് നാട്ടിലെത്തിയവരും കൊല്ലകടവ് ഫെയ്ത്ത് ഹോം ആശ്രമത്തിലുള്ള കെറ്റിഎംസിസി ആഡിറ്റോറിയത്തിൽ ജൂലൈ 19 വെള്ളിയാഴ്ച രാവിലെ 10 മണിക്ക് ഒത്തുചേരും.
"പ്രവാസികൾ അറിഞ്ഞിരിക്കേണ്ട നിയമങ്ങൾ എന്ന വിഷയത്തെ ആസ്പദമാക്കിയുള്ള ചർച്ച അഡ്വ. ജോൺ തോമസ് നയിക്കും. പന്തളം ഹാർമ്മണി മ്യൂസിക്ക് ബാൻഡ് ഒരുക്കുന്ന ഗാന ശുശ്രൂഷയും ഉണ്ടായിരിക്കും. കുട്ടനാട് എം.എൽ എ ബഹുമാനപ്പെട്ട തോമസ് കെ. തോമസ് സമ്മേളനം ഉത്ഘാടനം ചെയ്യും. റവ. സാംജി കെ. സാം മുഖ്യ പ്രഭാഷണം നടത്തും. രോഗികൾക്കു വേണ്ടിയുള്ള പ്രത്യേക കരുതൽ സഹായ നിധിയുടെ ഉത്ഘാടനം റവ. സി സി കുരുവിള നിർവഹിക്കും. സുവിശേഷകരുടെ പ്രത്യക സമ്മേളനം ഇതിനോട് അനുബന്ധിച്ച് ശ്രീ. കെ പി കോശി മെമ്മോറിയൽ എക്കോ ഫ്രണ്ട്ലി ലൈബ്രറിയിൽ നടത്തും.
Advertisement
