വെള്ളത്തിൽ വീണ് വിദ്യാർത്ഥി മരണമടഞ്ഞു
സംസ്കാരം ജൂൺ 23 ന് നടക്കും
തിരുവല്ല: വെള്ളത്തിൽ വീണ് പ്ലസ്ടു വിദ്യാർത്ഥി മരണമടഞ്ഞു. ഇരുവള്ളിപ്ര കറ്റോട് വാഴക്കൂട്ടത്തിൽ സാബുവിന്റെയും രമ്യയുടേയും മകൻ ജെറോം ഏബ്രഹാം സാബു(17) ആണ് ഒഴുക്കിൽപ്പെട്ട സുഹൃത്തിനെ രക്ഷിക്കുന്നതിനിടയിൽ കാൽ വഴുതി അപകടത്തിൽപ്പെട്ടത്.
കുറ്റൂർ പഞ്ചായത്തിലെ തിരുവാമനപുരം തോട്ടിലാണ് സംഭവം. ബാലികാമഠം സ്കൂളിലെ പ്ലസ് ടു വിദ്യാർത്ഥിയാണ് ജെറോം.
സംസ്കാരം ജൂൺ 23 ന് തിങ്കൾ രാവിലെ 8.30 ന് തിരുവല്ല ഐപിസി പ്രയർ സെൻ്ററിലെ ശുശ്രൂഷയ്ക്ക് ശേഷം ഉച്ചക്ക് 12 ന് കറ്റോട് ചർച്ച് ഓഫ് ഗോഡ് സെമിത്തേരിയിൽ നടക്കും.
പിതാവ് സാബു ചർച്ച് ഓഫ് ഗോഡ് തിരുവല്ല ടൗൺ സഭാംഗവും തിരുവല്ല സെന്റർ സെക്രട്ടറിയുമാണ്.
Advertisement
