അമേരിക്കൻ സുവിശേഷ പ്രസംഗകൻ റവ. ജെയിംസ് റോബിസൺ (82) നിര്യാതനായി
ഫോർട്ട് വർത്ത്, ടെക്സാസ് : അമേരിക്കൻ സുവിശേഷപ്രഘോഷകനും ലൈഫ് ഔട്ട് റീച്ച് ഇന്റർനാഷണൽ സ്ഥാപകനുമായ റവ. ജെയിംസ് റോബിസൺ (82) മെയ് 16 ന് നിര്യാതനായി.
“ലൈഫ് ടുഡേ” ടെലിവിഷൻ ശുശ്രൂഷയിലൂടെ ലോകമെമ്പാടുമുള്ള കോടിക്കണക്കിന് വിശ്വാസികളിലേക്ക് സുവിശേഷ സന്ദേശം എത്തിച്ച ജെയിംസ് റോബിസൺ, ദരിദ്രർക്കും ദുരിതബാധിതർക്കും സഹായഹസ്തം നീട്ടിയ മനുഷ്യസ്നേഹ പ്രവർത്തനങ്ങൾ കൊണ്ടും ശ്രദ്ധേയനായിരുന്നു.
നിരവധി ക്രൈസ്തവ നേതാക്കളും ശുശ്രൂഷ പ്രവർത്തകരും സമൂഹമാധ്യമങ്ങളിലൂടെ അദ്ദേഹത്തിന് ആദരാഞ്ജലികൾ അർപ്പിച്ചു. ദീർഘകാലം അദ്ദേഹത്തോടൊപ്പം പ്രവർത്തിച്ച ശുശ്രൂഷാ സഹപ്രവർത്തകർ ജെയിംസിനെ “ആത്മീയ പിതാവ്” എന്ന നിലയിലാണ് അനുസ്മരിക്കുന്നത്.
ഭാര്യ ബെറ്റി റോബിസൺ ഉൾപ്പെടെയുള്ള കുടുംബാംഗങ്ങൾക്കും ലൈഫ് ടുഡേ സംഘത്തിനും ലോകമെമ്പാടുമുള്ള വിശ്വാസികളും അനുശോചനം രേഖപ്പെടുത്തി.
വാർത്ത: പ്രസാദ് തീയാടിക്കൽ
