ലക്ഷങ്ങളുടെ ക്യാഷ് പ്രൈസുമായി 'അറിവ് 2025 സീസൺ II'
ഒന്നാം സമ്മാനം ഒരു ലക്ഷം രണ്ടാം സമ്മാനം അര ലക്ഷം മൂന്നാം സമ്മാനം കാൽ ലക്ഷം
പി.വൈ.പി.എ - ഗുഡ്‌ന്യൂസ് വീക്കിലി - CTW ഇന്റർ ക്രിസ്ത്യൻ ചർച്ച് വ്യക്തിഗത മെഗാ ബൈബിൾ ക്വിസ്
കുമ്പനാട്: പി.വൈ.പി.എ കേരള സ്‌റ്റേറ്റും ഗുഡ്‌ന്യൂസും CTW മീഡിയ പ്രൊഡക്ഷൻസ് സംയുക്തമായി കേരളത്തിലെ ക്രൈസ്തവ സഭാ വിഭാഗങ്ങളെയെല്ലാം ഉൾപ്പെടുത്തിക്കൊണ്ട് 'അറിവ് 2025' എന്ന പേരിൽ ഇന്റർ ക്രിസ്ത്യൻ ചർച്ച്
വ്യക്തിഗത മെഗാ ബൈബിൾ ക്വിസ് സംഘടിപ്പിക്കും.
പ്രാഥമിക റൗണ്ട് ജൂൺ 7 ശനിയാഴ്ച്ച രാവിലെ 10:30ന് കേരളത്തിലെ 14 ജില്ലാ കേന്ദ്രങ്ങളിൽ നടക്കും. ഗ്രാൻഡ് ഫിനാലെ റൗണ്ട് ജൂൺ 21 ശനിയാഴ്ച്ച കുമ്പനാട് ഹെബ്രോൻപുരത്ത് നടക്കും. ഒന്നാം സമ്മാനം ഒരു ലക്ഷവും രണ്ടാം സമ്മാനം അര ലക്ഷവും മൂന്നാം സമ്മാനം കാൽ ലക്ഷവും, നാലും അഞ്ചും സ്ഥാനക്കാർക്ക് അയ്യായിരം രൂപ വീതവും ക്യാഷ് അവാർഡ് ഉണ്ടായിരിക്കും.
നിബന്ധനകൾ
- പുറപ്പാട്, എസ്രാ, നെഹെമ്യാവ്, സദൃശ്യവാക്യങ്ങൾ, യെഹെസ്ക്കിയേൽ, ഹോശേയ, ലൂക്കോസ്, റോമർ, 1 തെസ്സലോനിക്യർ, 2 തെസ്സലോനിക്യർ എന്നീ പുസ്‌തകങ്ങളിൽ നിന്നു മാത്രമായിരിക്കും ചോദ്യങ്ങൾ.
- മലയാളം, ഇംഗ്ലീഷ് എന്നീ ഭാഷകളിൽ മാത്രമായിരിക്കും ചോദ്യങ്ങൾ
- അറിവ് രണ്ടാം സീസണിൽ വ്യക്തിഗത മൽസരങ്ങൾ മാത്രമാണ് ഉള്ളത്.
- ഒരു സഭയിൽ നിന്നും എത്ര പേർക്ക് വേണമെങ്കിലും പങ്കെടുക്കാം
- പ്രാഥമിക റൗണ്ടിൽ നിന്നും വിജയിക്കുന്ന നിശ്ചിത അംഗങ്ങൾക്ക് മാത്രമേ ഗ്രാൻഡ് ഫിനാലെയിൽ പങ്കെടുക്കാൻ സാധിക്കുകയുള്ളു.
- പ്രാഥമിക മത്സരവേദികളെ കുറിച്ചും, മറ്റു നിബന്ധനകളും പുറകാലെ അറിയിക്കും.
- ബൈബിൾ സൊസൈറ്റി ഓഫ് ഇന്ത്യയുടെ മലയാളം ബൈബിളിൽ നിന്നും, NKJV വേർഷൻ ഇംഗ്ലീഷ് ബൈബിളിൽ നിന്നുമുള്ള ഉത്തരങ്ങൾ മാത്രമേ പരിഗണിക്കുകയുളളു.
- ജഡ്ജസ് പാനലിൻ്റെയും, സംഘാടകരുടെയും തീരുമാനങ്ങൾ അന്തിമമായിരിക്കും.
- മത്സരാർത്ഥികൾക്ക് പ്രായപരിധിയില്ല.
- എല്ലാ ക്രൈസ്തവ സഭാ/വിഭാഗങ്ങളിൽ ഉള്ളവർക്കും ഈ ക്വിസ് പ്രോഗ്രാമിൽ പങ്കെടുക്കാം. രജിസ്ട്രേഷൻ ഫീസ് 250 രൂപയാണ്.
- രജിസ്റ്റർ ചെയ്യുന്നതിനായി താഴെ ക്ലിക്ക് ചെയ്യുക : https://quiz.pypa.live/Public/EventRegistration/Arivu-2025
പെന്തെക്കോസ്‌ത് സഭ വിഭാഗങ്ങൾക്ക് പുറമെ ഇതര ക്രിസ്‌തീയ സഭകളിൽ നിന്നുമുള്ള പങ്കാളിത്തം മെഗാ ബൈബിൾ ക്വിസിനെ കൂടുതൽ വ്ത്യസ്‌ഥവും മനോഹരവുമാക്കുമെന്നും ക്രൈസ്തവ സമൂഹത്തിൽ വിവിധ മേഖലകളിൽ കഴിവുതെളിയിച്ച വേദപണ്‌ഡിതരായ വിധികർത്താക്കളുടെ നിര 'അറിവ് 2025' നെ കൂടുതൽ മികവുറ്റതാക്കുമെന്നും ഭാരവാഹികൾ പറഞ്ഞു.
പി.വൈ.പി.എ സംസ്ഥാന ഭാരവാഹികളായ ഇവാ.ഷിബിൻ സാമുവേൽ, ജസ്റ്റിൻ നെടുവേലിൽ, ഇവാ. മോൻസി മാമ്മൻ, ബ്ലെസ്സൻ ബാബു, സന്ദീപ് വിളമ്പുകണ്ടം, ലിജോ സാമുവേൽ, ഷിബിൻ ഗിലെയാദ്, ബിബിൻ കല്ലുങ്കൽ എന്നിവർ നേതൃത്വം നൽകും. മെഗാ ബൈബിൾ ക്വിസ് കോർഡിനേറ്റർമാരായി സജി മത്തായി കാതേട്ട് (ഗുഡ്‌ന്യൂസ്), ജോസി പ്ലാത്താനത്ത് , പ്രിജോ എബ്രഹാം എന്നിവർ പ്രവർത്തിക്കും.
രജിസ്ട്രേഷൻ സംബന്ധിച്ച സംശയങ്ങൾക്ക് ബന്ധപ്പെടേണ്ട നമ്പർ: 9995801000, 9995550693
Advertisement
