ഐപിസി അയർലൻഡ് & ഇയു റീജിയൻ കൺവെൻഷൻ സെപ്. 5 മുതൽ

പാസ്റ്റർ ജോബി സാമുവേൽ അയർലൻ്റ്

സയന്റോളജി: അയർലണ്ടിലെ ഏറ്റവും വലിയ പെന്തെക്കോസ്തു പ്രസ്ഥാനമായ ഐപിസി അയർലൻഡ് & ഇയു റീജിയന്റെ മൂന്നാമത് വാർഷിക കൺവെൻഷൻ സെപ്റ്റംബർ 5 മുതൽ 7 വരെ ഡബ്ലിനിലെ സയന്റോളജി കമ്മ്യൂണിറ്റി സെന്ററിൽ നടക്കും. 5 ന് വൈകിട്ട് 6.30ന് ഐപിസി അയർലൻഡ് & ഇയു റീജിയൻ പ്രസിഡന്റ് പാസ്റ്റർ സി.റ്റി എബ്രഹാം  ഉദ്ഘാടനം ചെയ്യും. 

പാസ്റ്റർ പോൾ ഗോപാലകൃഷ്ണൻ (കൊച്ചറ) മുഖ്യ പ്രഭാഷകൻ ആയിരിക്കും. പാസ്റ്റർ കെ കോശി (ഐപിസി പഞ്ചാബ് സ്റ്റേറ്റ് പ്രസിഡന്റ് ) പാസ്റ്റർ ബാബു ജോൺ (USA) വിവിധ സെഷനുകളിൽ പ്രസംഗിക്കും. എല്ലാ ദിവസവം വൈകുന്നേരം 6.30 മുതൽ 9  വരെയാണ് പൊതുയോഗം. റീജിയൻ കൊയർ ഗാനശുശ്രൂഷകൾ നിർവഹിക്കും.

6 ന് രാവിലെ പത്തു മുതൽ  പൊതുയോഗവും ഉച്ചയ്ക്കുശേഷം PYPA, സോദരി സമാജം, സൺ‌ഡേ സ്കൂൾ എന്നിവയുടെ വാർഷിക സമ്മേളനം നടക്കും. 

ഞായറാഴ്ച രാവിലെ 9.30 മുതൽ 1.30 വരെ സംയുക്ത ആരാധനയും സമാപന സമ്മേളനവും നടക്കും.

റീജിയൻ പ്രസിഡന്റ് പാസ്റ്റർ സി.റ്റി എബ്രഹാം, വൈസ് പ്രസിഡന്റ് പാസ്റ്റർ ജിജി എം വർഗീസ്, സെക്രട്ടറി പാസ്റ്റർ സാനു മാത്യു, ജോയിൻ സെക്രട്ടറി പാസ്റ്റർ ഷൈൻ മാത്യു, ട്രെഷറർ  രാജൻ ലൂക്കോസ് എന്നിവർ നേതൃത്വം നൽകും.