ഐപിസി ബാംഗ്ലൂർ നോർത്ത് സെന്റർ കൺവൻഷന് അനുഗ്രഹീത തുടക്കം

വാർത്ത: ചാക്കോ കെ. തോമസ്

ബെംഗളുരു: ഇന്ത്യാ പെന്തെക്കോസ്ത് ദൈവസഭ (ഐ.പി.സി) നോർത്ത് സെന്റർ വാർഷിക കൺവൻഷൻ എം എസ് പാളയ കളത്തൂർ ഗാർഡൻസിന് സമീപം കിംങ്ങ്സ് ഫാം ഓഡിറ്റോറിയത്തിൽ ആരംഭിച്ചു. 

നോർത്ത് സെന്റർ പ്രസിഡന്റ് പാസ്റ്റർ. എൻ.സി.ഫിലിപ്പ് പ്രാർഥിച്ച് ഉദ്ഘാടനം ചെയ്തു.  

പാസ്റ്റർ ലാൻസൺ പി.മത്തായി അധ്യക്ഷനായിരുന്നു. 

പാസ്റ്റർ കെ.എസ്.ജോസഫ് പ്രസംഗിക്കുന്നു

ഐപിസി കർണാടക സ്റ്റേറ്റ് പ്രസിഡൻ്റ് പാസ്റ്റർ കെ.എസ്.ജോസഫ്, പാസ്റ്റർ അനീഷ് തോമസ് (റാന്നി) എന്നിവർ പ്രാരംഭ ദിനരാത്രി യോഗത്തിൽ പ്രസംഗിച്ചു.

പാസ്റ്റർ അനീഷ് തോമസ് പ്രസംഗിക്കുന്നു

ഡിസ്ട്രിക്റ്റ് പി.വൈ.പി.എ ക്വയർ ഗാനശുശ്രൂഷ നിർവഹിച്ചു 

ഇന്ന് ശനി രാവിലെ 10 മുതൽ 1 വരെ പ്രത്യേക ഉണർവ് യോഗവും ഉച്ചയ്ക്ക് 2 ന് പിവൈപിഎ ,സൺഡെസ്ക്കൂൾ വാർഷിക സമ്മേളനവും വൈകിട്ട് 6 മുതൽ സുവിശേഷയോഗവും ഗാനശുശ്രൂഷയും നടക്കും.  

പാസ്റ്റർ തോമസ് ഫിലിപ്പ് (വെൺമണി) ഇന്നും നാളെയും പ്രസംഗിക്കും. 

 ഞായറാഴ്ച രാത്രി യോഗത്തോടെ കൺവൻഷൻ സമാപിക്കും. 

പാസ്റ്റർമാരായ എൻ.സി.ഫിലിപ്പ് (പ്രസിഡന്റ്), ലാൻസൺ പി.മത്തായി ( സെക്രട്ടറി), ജോൺസൺ ടൈറ്റസ് (പബ്ലിസിറ്റി കൺവീനർ)എന്നിവർ കൺവൻഷന് നേതൃത്വം നൽകുന്നു.