ഡോ.ജോൺ പി.തോമസ് (60) ടെക്സസിൽ നിര്യാതനായി
വാർത്ത:ജോയി തുമ്പമൺ
ഹ്യൂസ്റ്റൺ: ലബക്കിൽ സർജനായി സേവനം അനുഷ്ടിച്ചു വന്ന ഡോ. ജോൺ പി. തോമസ് (60) നിര്യാതനായി. ഓപ്പറേഷൻ ഹോപ്പ് എന്ന ജീവകാരുണ്യ മെഡിക്കൽ സംഘടനയുടെ സ്ഥാപക പ്രസിഡണ്ടായിരുന്നു.
ലബക്ക് ട്രിനിറ്റി ചർച്ചിൽ സെപ്. 5 വെള്ളിയാഴ്ച വൈകിട്ട് 6 മണിക്കും ശനിയാഴ്ച രാവിലെയും അനുസ്മരണം നടക്കും. സമൂഹത്തിലെ വിവിധ രാഷ്ട്രീയ സാംസ്കാരിക പ്രവർത്തകർ സംബന്ധിക്കും. സംസ്കാരം ഹ്യൂസ്റ്റനിൽ നടത്തും. സൗത്ത് പാർക്ക് ഫ്യുണറൽ ഹോം, ഹ്യൂസ്റ്റൺ.
കൊട്ടാരക്കര പറങ്കിവിള മലയിൽ പാസ്റ്റർ പി.എസ്. തോമസിന്റെയും മേരിയുടെയും മകനാണ്.
ഭാര്യ: കേരി തോമസ്. മകൻ: ആൻഡ്രുസ്.
സഹോദരങ്ങൾ: ഡോ. സാറാ എബ്രഹാം, ഗ്ളാഡിസൻ , ജോർജ് എബ്രഹാം, ആനി.
