തോമസ് കെ. തോമസ് ഹൂസ്റ്റണിൽ നിര്യാതനായി; സംസ്കാരം17ന്
വാർത്ത: ജോയി തുമ്പമൺ
ഹൂസ്റ്റൺ: ∙ തോമസ് കെ. തോമസ് (ബാബു -77) ഹൂസ്റ്റണിൽ നിര്യാതനായി. സംസ്കാരം ഏപ്രിൽ 17ന് രാവിലെ 9ന് ലിവിങ് വാട്ടേഴ്സ് ചർച്ചിൽ നടക്കും. വിലാസം: 845 സ്റ്റാഫോർഡ് ഷെറിൽ, സ്റ്റാഫോർഡ്, ടെക്സസ്- 77477.
ചെങ്ങന്നൂർ കൊല്ലരയ്യം പീടികയിൽ പരേതരായ കെ.റ്റി. തോമസിന്റെ യും സാറാമ്മയുടെയും മകനാണ്. ഭാര്യ പരേതയായ സാറാമ്മ (ബാവ) കുഴിക്കാല കൊച്ചുമലയിൽ കുടുംബാംഗമായിരുന്നു.
അമേരിക്കയിലെ ആദ്യകാല കുടിയേറ്റക്കാരില്‍ ഒരാളായ തോമസ് നൂറുകണക്കിന് ആളുകളെ അമേരിക്കയില്‍ കൊണ്ടുവരുവാന്‍ സഹായിച്ചിട്ടുണ്ട്.
മക്കൾ: ബോബി, ബിബി, ബറ്റ്സി. മരുമക്കൾ: സ്മിത, കവിത, ഫിനു. എട്ട് കൊച്ചുമക്കളുണ്ട്.
