വീണ്ടും നവാപൂർ; ഉത്തര ഭാരതത്തിലെ "മസീഹി മേള" നവം.5 ഇന്ന് മുതൽ

റവ. ഡോ. ജോയ് പുന്നൂസ് ഉദ്ഘാടനം നിർവഹിക്കും; റവ. സലീംഖാൻ പ്രസംഗിക്കും 

വാർത്ത : പാസ്റ്റർ കെ.എസ്. സാമുവേൽ

നവാപൂർ : ഉത്തര ഭാരതത്തിലെ ഏറ്റവും വലിയ കൺവെൻഷനുകളിൽ ഒന്നായ നവാപൂർ കൺവെൻഷൻ നവംബർ 5 ഇന്ന് വൈകിട്ട്  6 ന്  ഫിലദൽഫിയ കൺവെൻഷൻ ഗ്രൗണ്ടിൽ അന്തർദേശീയ പ്രസിഡന്റ് റവ. ഡോ. ജോയ് പൊന്നൂസ് ഉദ്ഘാടനം ചെയ്യും. പതിനായിര കണക്കിന് ജനങ്ങൾ താമസിച്ചു പങ്കെടുക്കുന്ന കൺവെൻഷന് ഈ വർഷം മുതൽ വിശാലമായ പുതിയ ഗ്രൗണ്ട് സജ്ജമാക്കിയിട്ടുണ്ട്. "മസീഹി മേള" എന്നറിയപ്പെടുന്ന ഈ കൺവെൻഷൻ വടക്കേ ഇന്ത്യയിലെ ക്രൈസ്തവർ ഉത്സവപ്രതീതി യോടെയാണ് വരവേൽക്കുന്നത്. ക്രൈസ്തവ ഭവനങ്ങളിലേക്കും, സഭകളിലേക്കും ആവശ്യമുള്ളവയെല്ലാം മസീഹിമേളയിൽ വിപണനം ചെയ്യപ്പെടുന്നു.
 
റവ. പോൾ മാത്യൂസ്, റവ. ഷാജി എo പോൾ, റവ. സലീoഖാൻ റവ. സുരാജ് പ്രേമണി, റവ. ഡോക്ടർ ഫിന്നി ഫിലിപ്പ്, ഡോക്ടർ ജെപ്സിൻ മാലിയിൽ മുതലായവർ പ്രഭാഷണം നടത്തും. ശനിയാഴ്ച എഫ് വൈ എം ദേശീയ താലന്ത് പരിശോധനയിൽ വിജയികൾക്ക് അവാർഡുകൾ നൽകും ശനിയാഴ്ച പകൽ ഫിലദൽഫിയ ബൈബിൾ കോളേജ് ഗ്രാഡുവേഷൻ സർവീസ് നടത്തപ്പെടും. പത്താം തീയതി ഞായർ രാവിലെ ഓർഡിനേഷൻ ശുശ്രൂഷകളും കർതൃ മേശയോടു കൂടെ ഈ വർഷത്തെ കൺവെൻഷൻ സമാപിക്കും. പങ്കെടുക്കുന്നവർക്ക് താമസസൗകര്യം, ഭക്ഷണം, സൗജന്യ ആശുപത്രി ചികിത്സ എന്നിവ ഒരുക്കിയിട്ടുണ്ട്. പാസ്റ്റേഴ്സ് കോൺഫറൻസ്, യുവജന സമ്മേളനം, സഹോദരി സമ്മേളനം തുടങ്ങീ  നിരവധി പരിപാടികൾ  ഈ വർഷത്തെ കൺവെൻഷനിൽ ഒരുക്കിയിട്ടുണ്ട്.

Advertisement