ഐപിസി പാലക്കാട് സൗത്ത് സെന്റർ ഏകദിന ഉപവാസ പ്രാർത്ഥന ജൂലൈ 11- ന്
പാലക്കാട്: ഐപിസി പാലക്കാട് സൗത്ത് സെന്ററിന്റെ ആഭിമുഖ്യത്തിൽ ഏകദിന ഉപവാസ പ്രാർത്ഥന ജൂലൈ 11 ന് ശനിയാഴ്ച രാവിലെ 10 മുതൽ പാലക്കാട് ഐപിസി എബൻ ഏസർ ടൗൺ ചർച്ചിൽ നടക്കും.
"പരീക്ഷയിൽ അകപ്പെടാതിരിപ്പാൻ ഉണർന്നിരുന്നു പ്രാർത്ഥിപ്പിൻ" (ലൂക്കോസ് 22:46) എന്ന തിരുവചനത്തെ ആസ്പദമാക്കിയാണ് ഉപവാസ പ്രാർത്ഥന ക്രമീകരിച്ചിരിക്കുന്നത്. പാസ്റ്റർ വിജോയ് ജോസഫ് മുഖ്യ സന്ദേശം നൽകും.
സെന്റർ പ്രസിഡന്റ് പാസ്റ്റർ കെ. യു ജോയ് , സെക്രട്ടറി പാസ്റ്റർ ഫിലിപ്പ് തോമസ് എന്നിവർ നേതൃത്വം നൽകും. സെന്ററിലെ വിവിധ സഭകളിൽ നിന്നുള്ള വിശ്വാസികളും ശുശ്രൂഷകരും ഐപിസി കേരളാ സ്റ്റേറ്റ് കൗൺസിൽ അംഗങ്ങളും ഐപിസി മലബാർ മേഖല ഭാരവാഹികളും അംഗങ്ങളും പങ്കെടുക്കും. വിവരങ്ങൾക്ക്: +91 94472 50445
