മേപ്രാൽ വെസ്റ്റ് ഐപിസി സഭാ ഹാൾ സമർപ്പണവും ശുശ്രൂഷ കുടുംബ സംഗമവും ഡിസം.24 ന്
തിരുവല്ല: ഐപിസി തിരുവല്ല സെന്റർ മേപ്രാൽ വെസ്റ്റ് ഐപിസി ഇമ്മാനുവൽ സഭയുടെ സമർപ്പണ ശുശ്രൂഷയും, ശുശ്രൂഷ കുടുംബസംഗമവും ഡിസംബർ 24 ചൊവ്വാഴ്ച രാവിലെ 10 മുതൽ ഐപിസി ഇമ്മാനുവൽ മേപ്രാൽ വെസ്റ്റ് സഭാ ഹാളിൽ നടക്കും. ദീർഘനാളുകളായി ശോചനാവസ്ഥയിൽ ആയിരുന്ന സഭ ഹാൾ സെന്റർ സെക്രട്ടറി പാസ്റ്റർ അജു അലക്സിന്റെ പരിശ്രമ ഫലമായി സൈമൺ ജോണിന്റെ സാമ്പത്തിക സഹായത്താൽ മനോഹരമായി പണികഴിപ്പിച്ച സഭാ ഹാളിന്റെ സമർപ്പണ ശുശ്രൂഷ മുൻ ഐപിസി ജനറൽ പ്രസിഡണ്ടും, തിരുവല്ല സെന്റർ ശുശ്രൂഷകനുമായ ഡോ. കെ.സി ജോൺ സെൻട്രൽ വൈസ് പ്രസിഡന്റ് ചാക്കോ ജോണിന്റെ അധ്യക്ഷതയിൽ നിർവഹിക്കും.
പാസ്റ്റർ രാജു പൂവക്കാല , പാസ്റ്റർ പി വി ഐസക് എന്നിവർ മുഖ്യ സന്ദേശം നൽകും. സൈമൺ ജോൺ , ഡോ. ബെൻസൺ വി യോഹന്നാൻ, പാസ്റ്റർ ജിബിൻ പൂവക്കാല, പാസ്റ്റർ എബ്രഹാം ജോർജ്, പാസ്റ്റർ ബാബു തലവടി, സാം പി ജോസഫ്, പാസ്റ്റർ തോമസ് ജോർജ്, സുധി കല്ലുങ്കൽ, റോയി ആന്റണി, ജോജി ഐപ്പ്, പീറ്റർ മാത്യു, നെബു ആമല്ലൂർ , സജി വെൺമണി, ബിബിൻ കല്ലുങ്കൽ, സിസ്റ്റർ പ്രൈസ് ജോൺ എന്നിവർ ആശംസ അറിയിക്കും.
സഭാ ഹാൾ മനോഹരമായ പണികഴിപ്പാൻ പ്രയത്നിച്ച പാസ്റ്റർ അജു അലക്സിന്റെ പ്രവർത്തനം വളരെ അഭിനന്ദനാർഹമാണ്. ഈ സമ്മേളനത്തിന് സഭ ശുശ്രുഷകൻ പാസ്റ്റർ മാത്യു ജോർജ്, സഭാ സെക്രട്ടറി മോൻസി, സഭാ വിശ്വാസികൾ എന്നിവർ നേതൃത്വം നല്കും.
