വിസ്കോൻസിൻ സർവകലാശാലാ വിദ്യാർത്ഥി യൂണിയൻ പ്രസിഡന്റായി ജെറമി ലൂക്കോസ്
വാർത്ത: കുര്യൻ ഫിലിപ്പ്
ചിക്കാഗോ: വിസ്കോൻസിൻ സർവകലാശാലാ 2025–2026 കാലത്തേക്കുള്ള വിദ്യാർത്ഥി യൂണിയൻ പ്രസിഡന്റായി ജെറമി ലൂക്കോസ് തെരെഞ്ഞെടുക്കപ്പെട്ടു.
ജെറമി ഇവിടെ ആർക്കിടെക്ചറും ഇക്കണോമിക്സും എന്നീ കോഴ്സുകളിൽ ഇരട്ട സ്പെഷ്യലൈസേഷനിൽ പഠിക്കുകയാണ്.
2023 മുതൽ 2025 വരെ വൈസ് പ്രസിഡന്റായി സേവനം അനുഷ്ഠിച്ച അദ്ദേഹം, തന്റെ വിനയം, നിഷ്ഠ, നേതൃത്വ ശൈലി എന്നിവ കൊണ്ടു വിദ്യാർത്ഥികൾക്കിടയിൽ വലിയ അംഗീകാരം നേടിയിരുന്നു.
23,000-ത്തിലധികം അണ്ടർഗ്രാജുവേറ്റ്, പോസ്റ്റ്ഗ്രാജുവേറ്റ് വിദ്യാർത്ഥികളാണ് ഈ യൂണിവേഴ്സിയുടെ കീഴിൽ പഠിക്കുന്നത്.
ചിക്കാഗോയിലെ ഷാരോൺ ഫെല്ലോഷിപ്പ് ചർച്ചിലെ സജീവാംഗമായ ജെറമി കോട്ടയം സ്വദേശികളായ ഡോ. റെജി ലൂക്കോസിന്റെയും ഹെലൻ ലൂക്കോസിന്റെയും മകനാണ്. ചിക്കാഗോയിലുള്ള ഡോ. സജി ലൂക്കോസ് അദ്ദേഹത്തിന്റെ പിതൃസഹോദരനാണ്.
