ഡോ.കുഞ്ഞുമോൻ ചാക്കോ കർത്തൃസന്നിധിയിൽ

Jun 25, 2026 - 15:23 Updated: Jun 25, 2026 - 15:51

404

കോട്ടയം: പ്രിസൺ ഫെലോഷിപ്പ് ഓഫ് ഇന്ത്യയുടെ സ്ഥാപകനും പ്രിസൺ ഫെലോഷിപ്പ് ഇന്റർനാഷണൽ ഏഷ്യൻ ഡയറക്ടറുമായ പ്രമുഖ സാമൂഹിക പ്രവർത്തകൻ ഡോ.കുഞ്ഞുമോൻ ചാക്കോ കർത്തൃസന്നിധിയിൽ ചേർക്കപ്പെട്ടു. സംസ്കാരം പിന്നീട്.

അരീപ്പറമ്പ് സ്വദേശിയായ അദ്ദേഹം ദീർഘകാലമായി സുവിശേഷ-സാമൂഹിക സേവന രംഗങ്ങളിൽ സജീവ സാന്നിധ്യമായിരുന്നു.

അരീപ്പറമ്പ് സുവിശേഷകൻ കെ. കെ. ചാക്കോയുടെ മകനാണ്. കുന്നുംപുറത്ത് പരേതനായ സുവി.കെ.ജി.കുര്യൻ മകൾ ജയ്നമ്മയാണ് ഭാര്യ. മക്കൾ: ബിജു, ബിന്നി.

പ്രമുഖ ഗായകനായ ബിനോയ് ചാക്കോ സഹോദരനും സുവിശേഷകന്മാരായ ജോൺ കുര്യൻ, അലക്സാണ്ടർ കുര്യൻ എന്നിവർ ഭാര്യയുടെ സഹോദരന്മാരാണ്.

തടവുകാരുടെ പുനരധിവാസത്തിനും ക്ഷേമത്തിനുമായി അന്താരാഷ്ട്ര തലത്തിൽ പ്രവർത്തിക്കുന്ന പ്രിസൺ ഫെലോഷിപ്പ് സജീവ പ്രവർത്തകർ എന്നനിലയിൽ ശ്രദ്ധേയമായ സംഭാവനകൾ നൽകിയ വ്യക്തിത്വമാണ് ഡോ. കുഞ്ഞുമോൻ ചാക്കോ. അദ്ദേഹത്തിന്റെ വിയോഗത്തിൽ വിവിധ സാമൂഹിക-ആത്മീയ രംഗങ്ങളിലെ പ്രമുഖർ അനുശോചനം രേഖപ്പെടുത്തി.

ഗുഡ്ന്യൂസ് വീക്കിലിയുടെ സ്ഥാപകരുടെയും എഡിറ്റോറിയൽ ബോർഡ് അംഗങ്ങളുടെയും ദീർഘകാല സ്നേഹിതനും ഗുഡ്ന്യൂസിന്റെ മുൻകാല അഡ്വൈസറുമായിരുന്നു അദ്ദേഹം. ഡോ. കുഞ്ഞുമോൻ ചാക്കോയുടെ വേർപാടിൽ ഗുഡ്ന്യൂസ് എഡിറ്റോറിയൽ ബോർഡ് അനുശോചനം രേഖപ്പെടുത്തി.

സിവിൽ എഞ്ചിനീറിംഗിൽ ഡിപ്ലോമയും കുറഞ്ഞത് രണ്ടു വർഷത്തെ പ്രവർത്തി പരിചയവും ഉള്ള സിവിൽ എന്ജിനീയേഴ്സിനെ ഒമാനിലേക്ക് അവിശ്യമുണ്ട്. GCC ഡ്രൈവിംഗ് ലൈൻസ് ഉള്ളവർക്ക് മുൻഗണന. Contact: +96891154584