വേർപാട് പാലിക്കാത്ത ഒരു പ്രസ്ഥാനവുമായിട്ടും കോട്ടയത്തെ ഐപിസി സഭകൾക്ക് ബന്ധമില്ല: പാസ്റ്റർ ഫിലിപ്പ് കുര്യാക്കോസ്
കോട്ടയം: വിശ്വാസത്തിന്റെ കാര്യത്തിൽ വേർപാട് പാലിക്കാത്ത ഒരു പ്രസ്ഥാനവുമായിട്ടും കോട്ടയത്തെ ഐപിസി സഭകൾക്ക് ബന്ധമില്ലെന്ന് കോട്ടയം നോർത്ത് സെന്റർ മിനിസ്റ്റർ പാസ്റ്റർ ഫിലിപ്പ് കുര്യാക്കോസ് പ്രസ്താവിച്ചു. ഐപിസി കോട്ടയം ഡിസ്ട്രിക്ട് 86-ാമത് കണ്വന്ഷന്റെ പ്രഥമ ദിവസം അദ്ധ്യക്ഷ പ്രസംഗം നടത്തുകയായിരുന്നു അദ്ദേഹം. "പെന്തക്കോസ്ത് എന്ന് പറയുമ്പോൾ പരിശുദ്ധാത്മാവ് എന്ന ചിന്ത ഹൃദയത്തിലേക്ക് വരും, അത് ശരിയാണ്, കൃത്യമാണ് എന്നുള്ളതിൽ യാതൊരു തർക്കവുമില്ല. എന്നാൽ പരിശുദ്ധാത്മാഭിഷേകത്തോടൊപ്പം വേർപാടും കൂടെ പ്രസംഗിക്കുന്ന സഭയാണ് പെന്തക്കോസ്ത് സഭ." എന്നദ്ദേഹം പറഞ്ഞു.
പാസ്റ്റർ ജോയ് ഫിലിപ്പ്
"ലോകം അറിയപ്പെടുന്ന പ്രമുഖ പെന്തക്കോസ് സഭയുടെ കൺവെൻഷൻ ആണ് കോട്ടയത്ത് നടക്കുന്നത്. രക്ഷയുടെ അനുഭവത്തിലേക്ക് ക്ഷണിക്കുമ്പോൾ, ഞങ്ങൾ വേർപാട് എന്ന ആശയം കൂടി നിങ്ങളുമായി പങ്കുവെക്കുവാൻ ആഗ്രഹിക്കുന്നു. നിങ്ങൾ വേർപാട് പാലിക്കുന്നവർ ആയിരിക്കണം. അഭിഷേകം ഉണ്ട്, പക്ഷേ വേർപാടില്ലാത്ത ഒരുപാട് സംഘടനകൾ നമുക്ക് കാണാൻ കഴിയും. ലോകത്തോട് ചേർന്ന് നിന്നുകൊണ്ട് ലോകത്തിൻറെ മോഹങ്ങൾകൊത്തവണ്ണം ജീവിക്കാൻ അനുവാദം കൊടുക്കുന്ന, പരിശുദ്ധാത്മാഭിഷേകവും അന്യഭാഷയും എല്ലാമുള്ള അനവധി പ്രസ്ഥാനങ്ങൾ ഇന്നുണ്ട്. കോട്ടയത്തും ഒട്ടും കുറവല്ല. ഇത്തരത്തിലുള്ള സംഘടനകളുമായി ഇഴകി ചേർന്ന് അവർക്കൊപ്പം ആണ് ഞങ്ങളും എന്ന് പറയാൻ നമ്മൾ ആഗ്രഹിക്കുന്നില്ല. നമ്മൾ അവരോടൊപ്പം അല്ല. വ്യക്തിപരമായി സ്നേഹമുണ്ട് ബഹുമാനമുണ്ട് കൂട്ടായ്മയുണ്ട്. പക്ഷേ വിശ്വാസത്തിൻറെ കാര്യത്തിൽ വേർപാട് പാലിക്കാത്ത ഒരു പ്രസ്ഥാനവുമായി കോട്ടയത്തെ ഇന്ത്യ പെന്തക്കോസ് ദൈവസഭകൾക്ക് ബന്ധമില്ല. കുറെ വിട്ടുവീഴ്ചകൾ ചെയ്ത് വേഗത്തിൽ വളരുന്ന പല സഭകളെയും പോലെ നമ്മുടെ സഭയും വളരുമെന്ന് പറയുകയും ചിന്തിക്കുകയും ചെയ്യുന്നവരുണ്ട്. ഒരു വിട്ടുവീഴ്ചയും വിശുദ്ധിയുടെയും വേർപാടിന്റെയും കാര്യത്തിൽ നൽകികൊണ്ട് നമുക്കൊരു വളർച്ച വേണ്ട." ഇതായിരുന്നു അദ്ദേഹത്തിന്റെ പ്രഭാഷണത്തിന്റെ പ്രസക്ത ഭാഗം. ഇത്രത്തോളം ദൈവം നമ്മെ വളർത്തിയെങ്കിൽ ഇനിയും വളർത്താൻ ദൈവം ശക്തനാണെന്നു ഓർമ്മിപ്പിച്ചുകൊണ്ടാണ് അദ്ദേഹം അധ്യക്ഷ പ്രസംഗം അവസാനിപ്പിച്ചത്.
സമ്മേളനം ഐപിസി കോട്ടയം സൗത്ത് സെന്റർ മിനിസ്റ്റർ പാസ്റ്റർ ജോയ് ഫിലിപ്പ് ഉദ്ഘാടനം ചെയ്തു. പാസ്റ്റർ ഷാജി എം. പോൾ പ്രസംഗിച്ചു. ബെന്നി പുള്ളോലിക്കൽ സ്വാഗത പ്രസംഗം നടത്തി.
തുടർന്നുള്ള ദിവസങ്ങളിൽ പാസ്റ്റര്മാരായ ഷിബു തോമസ് (ഒക്കലഹോമ) കെ.ജെ. തോമസ് (കുമളി) ഫെയ്ത്ത് ബ്ലസന്, റോയി മാത്യു (ബാംഗ്ലൂര്) എന്നീ ദൈവദാസന്മാര് പ്രസംഗിക്കും. എല്ലാ ദിവസവും രാവിലെ 8.30 മുതല് ബൈബിള് ക്ലാസുകള് ഉണ്ടായിരിക്കും. വ്യാഴാഴ്ച രാവിലെ 10 നു സഹോദരിസമാജം മീറ്റിംഗും, വെള്ളിയാഴ്ച 10നു ഉപവാസപ്രാര്ഥനയും, ശനിയാഴ്ച രാവിലെ 10നു മാസയോഗവര്ഷികവും, ഉച്ചകഴിഞ്ഞ് 2.30ന് സണ്ടേസ്കൂള്- പിവൈപിഎ സംയുക്ത വാര്ഷികവും നടക്കും. 12നു ഞായറാഴ്ച പൊതുസഭായോഗത്തോടുകൂടി കണ്വന്ഷന് സമാപിക്കും. ഹോളി ഹാര്പ്സ് ഗോസ്പല് ബാന്ഡ്, ചെങ്ങന്നൂര് ഗാനശുശ്രൂഷക്ക് നേതൃത്വം നല്കും.
Advertisement
