ഏ.ജി മലയാളം ഡിസ്ട്രിക്ട് ജനറൽ കൺവൻഷൻ 2026 ജനുവരി 26 മുതൽ പറന്തലിൽ
ഷാജൻ ജോൺ ഇടയ്ക്കാട്/ ജോൺസൻ ജോയി (മീഡിയ കമ്മിറ്റി)
അടൂർ: അസംബ്ലീസ് ഓഫ് ഗോഡ് മലയാളം ഡിസ്ട്രിക്ട് ജനറൽ കൺവൻഷൻ 2026 ജനുവരി 26 തിങ്കൾ മുതൽ ഫെബ്രുവരി 1 ഞായർ വരെ പറന്തൽ എ ജി കൺവൻഷൻ സെൻ്ററിൽ നടക്കും.
ജനുവരി 26 വൈകിട്ട് 6 ന് നടക്കുന്ന പ്രാരംഭ സമ്മേളനത്തിൽ സഭാ സൂപ്രണ്ട് പാസ്റ്റർ ടി.ജെ. സാമുവേൽ ഉദ്ഘാടനം ചെയ്യും.
ദിവസവും രാവിലെ 9 മുതൽ വൈകിട്ട് 5 വരെ വിവിധ സമ്മേളനങ്ങൾ നടക്കും. പകൽ യോഗങ്ങളിൽ ശുശ്രൂഷക സമ്മേളനം, ബൈബിൾ പഠന ക്ലാസുകൾ, വിവിധ ഡിപ്പാർട്ട്മെൻ്റ് സമ്മേളനങ്ങൾ, വിദ്യാർത്ഥി - യുവജന സമ്മേളനങ്ങൾ തുടങ്ങിയവ നടക്കും.
ദിവസവും വൈകിട്ട് 6 മുതൽ 9 വരെ പൊതുയോഗങ്ങൾ ക്രമീകരിച്ചിരിക്കുന്നു. അനുഗ്രഹീത ദൈവദാസന്മാർ പ്രഭാഷണം നടത്തും.
ഞായറാഴ്ച രാവിലെ 9 മുതൽ ഉച്ചയ്ക്ക് 1 വരെ നടക്കുന്ന പൊതുസഭായോഗത്തോടും തിരുവത്താഴ ശുശ്രൂഷയോടും കൂടെ കൺവൻഷൻ സമാപിക്കും. എ ജി ക്വയർ ഗാനശുശ്രുഷ നയിക്കും.
എക്സിക്യൂട്ടീവ് കമ്മിറ്റിയംഗങ്ങളായ പാസ്റ്റർ ടി.ജെ. സാമുവേൽ, ഡോ.ഐസക് വി.മാത്യു, പാസ്റ്റർ തോമസ് ഫിലിപ്പ്, പാസ്റ്റർ ബാബു വർഗീസ് തുടങ്ങിയവർ നേതൃത്വം നല്കും.
