മണക്കാലയിൽ മുറ്റത്ത് കൺവൻഷൻ ഒക്ടോ.19 മുതൽ
അടൂർ: മണക്കാല ഐപിസി ശാലോം സഭ ഒരുക്കുന്ന മുറ്റത്ത് കൺവൻഷൻ ഒക്ടോ. 19, 20 തീയതികളിൽ മണക്കാല ജംഗ്ഷനു സമീപമുള്ള കിണറുവിളയിൽ ഭവനാങ്കണത്തിൽ നടക്കും. 19 ന് വൈകിട്ട് 6 ന് അടൂർ വെസ്റ്റ് സെൻ്റർ ശുശ്രൂഷകൻ പാസ്റ്റർ തോമസ് ജോസഫ് ഉദ്ഘാടനം ചെയ്യും. പാസ്റ്റർമാരായ അനീഷ് തോമസ് , ഫെയ്ത്ത് ബ്ലസൻ എന്നിവർ പ്രസംഗിക്കും. കൺവൻഷനു മുന്നോടിയായി 19 ന് വൈകിട്ട് 4 ന് മണക്കാല ജംഗ്ഷനിൽ പരസ്യയോഗം നടക്കും. പാസ്റ്റർ അജി ഐസക്ക് പ്രസംഗിക്കും. മണക്കാല ശാലേം സഭയുടെ സംഗീത വിഭാഗമായ സറേഫ്യൻസ് ഗാനശുശ്രുഷക്ക് നേതൃത്വം നൽകും.
